SHAKAWN KUNGDAWN 51:5 - Jinghpaw Common Language Bible 2009

⁵ Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

Jinghpaw Hanson Version Bible

⁵ Yu mu, shut hpyit ai hta ngai shangai wa nna, Nu a hkritung e pyi yubak kap nga nngai.

SHAKAWN KUNGDAWN 51:5 ပူးပေါင်းရင်းမြစ်များ

NINGPAWT NINGHPANG 5:3

Adam a asak 130 ning du ai shaloi shi hte bung ai shadang sha langai shaprat nna dai wa hpe Shet ngu nna shamying wu ai.

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

YOBA 14:4

Shinggyim masha ni zawn n san n seng ai arai hpa kaw na mung san seng ai arai shapraw ya lu ai n rai.

SHAKAWN KUNGDAWN 58:3

N tara ai masha ni gaw shanhte a asak hkrun lam yawng hta shut hpyit ai hku hkawm sa nga ma ai; shanhte gaw shangai wa ai shani kaw nna masu magaw ai ga ni hpe tsun nga ma ai.

JAW JAU 15:18

Lasha hte numsha kanawn ngut ai hpang shan lahkawng gaw hka shin kau na rai ma ai; dai gaw shana de du hkra n san n seng naw rai nga ai.

YAWHAN 3:6

Hkum shan hte shangai ai masha langai mi gaw, hkum shan rai nga ai; Wenyi hte shangai ai wa gaw Wenyi rai nga ai.

ROMA 5:12

Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.