SHAKAWN KUNGDAWN 51:4 - Jinghpaw Common Language Bible 2009

⁴ Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

Jinghpaw Hanson Version Bible

⁴ Nang tsun nga ai ga dinghpring nga u ga, Na a tara dara ai lam hta mara n kap u ga, Nang hpe chyu sha ngai yubak galaw nna, Na a man e n hkru ai amu galaw ni ai.

SHAKAWN KUNGDAWN 51:4 ပူးပေါင်းရင်းမြစ်များ

NINGPAWT NINGHPANG 20:6

Dai yup mang hta Karai Kasang gaw, “Rai sa, san seng ai myit hte ndai lam nang galaw ndai hpe ngai chye nngai; dai rai nna ngai hpe nang yubak galaw na kaw nna nang hpe ban shadang ai hte shi hpe n hkra shangun nngai.

NINGPAWT NINGHPANG 38:7

Era a sat lawat chyawm gaw n hkru n shawp nga ai rai nna dai gaw dai Madu hpe n sharawng awng shangun nga ai. Dai rai nna dai Madu gaw shi hpe sat kau wu ai.

NINGPAWT NINGHPANG 39:9

Ndai nta hta shi lu ai daru magam ahkang aya zawn ngai mung lu nngai. Nang hta kaga hpa mung ngai hpe shi hkum shingdang da ai n rai; dai re ai mi, dai zawn n hkru ai amu hte Karai Kasang hpe ngai kaning di shut hpyit lu na rai nga a ta?,” ngu nna tsun wu ai.

NINGPAWT NINGHPANG 9:6

Karai Kasang gaw shinggyim masha hpe shi hte maren bung hkra hpan da nga sai, dai rai nna masha langai ngai hpe sat ai wa kadai rai ti mung shi hkum hpe marai langai ngai e sat kau ai hkrum nga u ga.

2 HKAWHKAM 17:17

Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

SHAKAWN KUNGDAWN 50:4

Shi a amyu masha ni hpe shi tara jeyang ai hpe mu lu na matu, Madu gaw sumsing lamu hte ginding aga hpe sakse shatai na nga, shaga dat wu ai.

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

JAW JAU 5:19

Dai gaw dai Madu hpe shi shut kau ai yubak mara a matu mara raw ai hkungga rai nga ai.

LUKA 15:21

Shaloi kasha wa gaw, ‘Wa e, Karai Kasang hpe mung, nang hpe mung, ngai shut ni ai. Ya kaw nna na nsha ngu na ngai n ging n dan nngai,’ ngu nna kawa hpe tsun nem wu ai.

LUKA 7:29

Masha yawng mayawng gaw Yawhan a ga na la ma ai; shing rai shanhte hte, kang hta ai ni pyi gaw Yawhan a lata hta hkalup sa hkam la let dai Karai Kasang a ding man ai lam hpe sak se hkam shagrau ma ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

ROMA 3:4

Shing n rai law! Masha shagu masu magaw ai ni rai ma ti mung, Karai Kasang gaw sadi dung nga na sha rai nga ai. Dai Chyum Laika hta, “Na a ga gaw nang ding hpring nga ai hpe madun lu na rai nna nang tara dara hkrum yang awng dang lu na rai ndai,” nga nna ka da ai hte maren rai nga ai.

YAKU 2:11

Hpa majaw nga yang, “Masha num hkum shaw,” nga nna hkang da ai wa nan, “Masha hkum sat,” nga nna tsun nga ai. Nang gaw masha num hpe n shaw hkra rai ti mung, masha hpe sat n yang gaw jep ai tara tawt lai ai wa nang rai nga ndai.

YAKU 2:9

Rai ti mung nanhte gaw masha ni hpe shanhte a shinggan lam hku mu lu ai hta hkan nna hkap la kanawn mazum myit yang gaw, nanhte mara lu myit dai rai nna Tara tawt lai ai masha langai mi hku nna dai tara gaw nanhte hpe jeyang daw dan hkrum na myit dai.

SHINGRAN 16:5

Shaloi hka sin ai lamu kasa gaw, “Ya prat e, moi prat e, dinggrin anga nga ai Chyoi pra ai Wa e, nang jeyang ai lam ni gaw teng man nga lit dai!,” nga nna tsun ai hpe ngai na nngai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.