SHAKAWN KUNGDAWN 51:3 - Jinghpaw Common Language Bible 2009

³ Nye a shut hpyit ai mara ni hpe ngai matsing nga nngai; nye a yubak ni hpe ngai tut nawng adum nga nngai.

Jinghpaw Hanson Version Bible

³ Nye a mara ngai chye nga nna, Nye a yubak nye a man e tut tut rai nga ai.

SHAKAWN KUNGDAWN 51:3 ပူးပေါင်းရင်းမြစ်များ

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 32:5

Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

SHAKAWN KUNGDAWN 38:18

Nye a yubak ni hpe ngai yin la nga nngai, dai gaw ngai hpe myit ru myit tsang lam jahpring ya nga ai.

SHAKAWN KUNGDAWN 40:12

Ngai gaw ru tsang law law hte gawan da hkrum ai wa rai nga nngai dai gaw n dang hti hkra law la nga ai! Ngai loi mi pyi n mu mada lu hkra, nye a yubak ni mung ngai hpe dep nang mat sai; dai gaw nye baw na kara ni hta grau law ai rai nna, nye a myit gawng run mat sali ai.

SHAKAWN KUNGDAWN 41:5

Nye a gumlau hpyen ni gaw nye a lam hpe matse ai hku tsun nga ma ai; shanhte gaw ngai si nna, masha ni ngai hpe malap kau na matu, ra sharawng nga ma ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

ESAIA 59:12

Madu e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

YEREMIA 3:25

Anhte gaw kaya kahpa hte kaleng taw nga ang saga ai, anhte a kaya kahpa gaw anhte hpe ka-up da mi ga. Anhte hte anhte a kaji kawa ni gaw dai Madu anhte a Karai Kasang hpe tut nawng yubak galaw kau saga ai; anhte gaw shi a hkang da ai ga hpe galoi mung n madat kau saga ai.”