SHAKAWN KUNGDAWN 51:2 - Jinghpaw Common Language Bible 2009

² Nye a n hkru n shawp ai lam yawng hte hpe kashin kau ya nna, nye a yubak kaw na ngai hpe jasan jaseng la e!

Jinghpaw Hanson Version Bible

² Nye a shut hpyit ai hpe atsai awai kashin kau ya e, Nye a yubak kaw na ngai hpe jaseng la e.

SHAKAWN KUNGDAWN 51:2 ပူးပေါင်းရင်းမြစ်များ

2 SAMUELA 11:4

Dawi gaw shi hpe sa woi la na matu kasa ni hpe shangun dat wu ai; shanhte mung shi hpang de woi wa ya ma ai rai nna shi hte kanawn wu ai. (Shi mung htung hte maren num hking sa ngut ai hpang sha naw rai nna jasan jaseng da wu ai.) Dai hpang shi gaw nta de wa mat wa wu ai.

2 SAMUELA 12:1

Dai Madu gaw myihtoi Nahtan hpe Dawi hpang de shangun dat wu ai. Nahtan mung shi kaw sa nhtawm, “Mare langai mi hta masha lahkawng nga nga ma ai; langai mi gaw sut su nna, kaga langai mi mahtang matsan mayan re ai wa rai nga ai.

SHAKAWN KUNGDAWN 19:12

Tinang nang a shut ai lam ni hpe kadai wa mung n mu lu nga ai; Madu e, makoi magap da ai yubak mara kaw na mung, ngai hpe hkrang shaw la e!

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 13:58

Shi gaw dai arai hpe hkrut nna dai nshu lamu hkang mat mat ai rai yang, dai hpe shi bai hkrut nhtawm san seng mat na rai nga ai.

ZEHKARIA 13:1

Chyahtum Chyalai N-gun rawng ai dai Madu gaw, “Dai aten du jang, Dawi a amyu matu mara ni hte Yerusalem mare masha ni a yubak mara hte hpara sumla nawku ai htung lai len jasan jaseng kau na hka hpawk langai pru wa na ra ai.

YAWHAN 13:9

Shaloi Simun Petru gaw, “Shaloi rai yang gaw, Madu e, nye a lagaw sha n rai, nye a lata ni hte baw hpe mung kashin ya rit,” ngu wu ai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.