SHAKAWN KUNGDAWN 51:18 - Jinghpaw Common Language Bible 2009

¹⁸ Karai Kasang e, Ziun hpe matsan dum nna shi hpe karum u; Yerusalem mare a bunghku ni hpe bai gaw gap da u.

Jinghpaw Hanson Version Bible

¹⁸ Na a n-gaw nwai myit hte Ziun hpe mai kaja ai galaw u, Yerusalem mare na bunghku hpe gaw da ya u.

SHAKAWN KUNGDAWN 51:18 ပူးပေါင်းရင်းမြစ်များ

NEHEMIA 2:17

Rai ti mung ya chyawm gaw ngai shanhte hpe, “Yerusalem hten run mat nna de a chyinghka ni hten za mat sai majaw kaning re ai tsin-yam tsindam anhte hkrum sha nga ga ai hpe yu yu mu! Anhte gaw mare hpe bai de da ai hte anhte a sari hpoi hkrum ai amu hpe jahtum kau saga,” ngu nna tsun we ai.

SHAKAWN KUNGDAWN 102:16

Madu gaw Ziun mare hpe bai gaw gap da ai shaloi, shi a galu kaba ai lam hpe madun dan na ra ai.

SHAKAWN KUNGDAWN 147:2

Dai Madu gaw Yerusalem mare hpe bai de da nna, bra hkawm mat wa sai Israela amyu masha ni hpe bai shinggyin la nga ai.

SHAKAWN KUNGDAWN 25:22

O Karai Kasang e, na a amyu Israela masha ni hpe shanhte a ru tsang ai lam yawng kaw nna hkye hkrang la u law!

SHAKAWN KUNGDAWN 40:7

ngai gaw, “Ngai nang e, nga nga nngai; nye a matu na a sharin shaga ai ga matsun ni gaw tara laika buk hta rawng nga ai.

SHAKAWN KUNGDAWN 69:35

Shi gaw Yerusalem mare hpe hkye hkrang la na ra ai hte Yuda mung na mare ni hpe mung bai gaw gap da na ra ai. Shi a amyu masha ni dai shara hta shanu nga lu nna, lamu ga hpe madu lu na mara ai;

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 58:12

Na a amyu masha ni gaw moi na hten run mat sai ni hpe bai de da na mara ai, moi moi na npawt nhpang ni a ntsa e bai gaw kahtap na ra ai. Nang gaw bunghku ni hpe bai gaw gap nna hten run mat sai dum nta ni hpe bai gram lajang da ai amyu masha ni zawn kajai gumhkawng na ra ai.

ESAIA 62:1

Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

YEREMIA 51:50

Babelon mung hta nga ai shi a amyu masha ni hpe tsun ai dai Madu a mungga gaw ndai rai nga ai: “Nanhte gaw si hkrung si htan kaw na lawt manit dai! Ya jang pru wa mu! Hkum hkring nga masa! Nanhte gaw dum nta hte tsan gang nga myit ti mung, nanhte a Madu rai nga ai ngai hta myit manoi nga mu, Yerusalem hpe mung adum nga mu.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

MIHKA 6:7

Sagu la hkying mun hte n htum lu ai tsanlun sau hka shi ni, shi kaw ngai lama la sa wa ai rai yang, dai Madu gaw dai hpe ra sharawng na wu ai kun? Nye a yubak mara a majaw nye a kasha alat hpe gawng malai hkungga tai na ngai shi hpe sak jaw ra na rai nga a ni?

MIHKA 7:11

Yerusalem masha ni e, mare bunghku bai gaw gap da ai aten du wa ra ai. Dai aten e, na a lamu ga jarit ni maden jat wa na ra ai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

EHPESU 1:5

Shi gaw shi a tsaw ra myit a majaw Hkristu a marang e anhte hpe shi a kasha ni ngu nna yin la na matu myit daw dan da nu ai. Dai gaw shi a ra sharawng ai hte shatawng shada ai lam rai nga lu ai.

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

2 HTESALONI 1:11

Ndai lam a majaw nanhte a matu anhte tut nawng e akyu hpyi ya nga ga ai. Nanhte gaw Karai Kasang e shaga la hkrum ai ni a asak hkrung lam hte ging dan ai hku asak hkrung lu myit ga, anhte Karai Kasang kaw akyu hpyi ya nga ga ai. Shi gaw shi a hpung shingkang atsam hte nanhte a mai kaja ai hpe shabyin mayu ai myit nga manga hpe jahpring shatsup ya nna, nanhte a makam masham a magam bungli hpe shangut shakre ya u ga.