SHAKAWN KUNGDAWN 51:11 - Jinghpaw Common Language Bible 2009

¹¹ Na a myi man kaw nna ngai hpe hkum shaden kau et; na a chyoi pra ai wenyi ngai kaw na hkum dawm la kau ya e.

Jinghpaw Hanson Version Bible

¹¹ Na a myi man na ngai hpe hkum shaden kau e, Na a Chyoi pra ai Wenyi ngai hta na hkum dawm la ya e.

SHAKAWN KUNGDAWN 51:11 ပူးပေါင်းရင်းမြစ်များ

NINGPAWT NINGHPANG 4:14

Nang gaw ngai hpe ndai lamu ga kaw nna mung, na a man kaw nna mung shaden kau nga ndai. Ngai gaw ginding aga ntsa e nta n lu ai sha brak hkawm ai wa tai wa nna ngai hpe mu tam ai kadai wa mung ngai hpe sat kau na ra ai,” ngu nna tsun wu ai.

NINGPAWT NINGHPANG 6:3

Dai hpang dai Madu gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

2 SAMUELA 7:15

Nang hkawhkam tai lu hkra, Shawlu a lata kaw na ngai seng kau ai zawn shi hpe karum madi shadaw ai lam ngai dawm kau ya na we ai n rai.

2 HKAWHKAM 13:23

Rai ti mung Abraham, Isak, Yaku ni hte tawn da ai ga shaka a majaw dai Madu gaw shanhte hpe matsan yu dum nga wu ai. Shi gaw shanhte hpe n jahten shamyit hkrum shangun mayu nga ai rai nna shanhte hpe karum la mu ai. Shi a amyu masha ni hpe shi galoi mung malap kau nga ai n rai.

2 HKAWHKAM 23:27

Dai Madu gaw, “Israela hpe ngai galaw kau we ai zawn Yuda amyu masha ni hpe mung nye man kaw nna shaden shapraw kau na we ai. Ndai ngai lata da ai Yerusalem mare hpe mung, ngai hpe nawku mu ga, ngu nna ngai tsun ai Nawku Htingnu shara hpe mung ngai kau da na nngai,” ngu nna tsun wu ai.

2 HKAWHKAM 24:20

Dai Madu gaw Yerusalem mare hte Yuda amyu masha ni hpe pawt sindawng wu ai majaw shanhte hpe shi a man kaw nna gawt shapraw kau wu ai.

SHAKAWN KUNGDAWN 43:2

Nang gaw ngai hpe makawp maga ai wa rai nga ndai; ngai hpe hpa majaw nang kau da nga n ta? Nye a gumlau hpyen ni a gumshem ai hta ngai hpa majaw nni nkri hpe matut hkam sha ra nga a ta?

SHAKAWN KUNGDAWN 71:18

Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

SHAKAWN KUNGDAWN 71:9

Ya, ngai dingla wa nga nngai majaw, ngai hpe hkum kabai kau nga et; ya, ngai n-gun yawm nga nngai majaw, ngai hpe hkum kau da nga et.

YEREMIA 7:15

Na a makyin jinghku ni rai nga ai Israela amyu masha ni hpe ngai shaden kau we ai zawn nang hpe mung nye a myi man kaw nna shaden kau na we ai. Dai Madu ngai nan tsun ni ai.”

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

2 HTESALONI 1:9

Shanhte gaw Madu a myi man kaw na jahka kau ai hte shi a atsam a hpung shingkang hte daw hka mat wa ai ngu ai htani htana jahten shabyak kau ai ari hkrum na mara ai.

TARA AGYI 13:25

Zoara hte Eshtola na Dan amyu dap hta shi nga nga yang, dai Madu a daru magam n-gun shi hpe jaw hpang wu ai.

TARA AGYI 15:14

Shi gaw Lehi mare de du ai shaloi, Hpilisti masha ni shi hpang de kagat sa wa nhtawm shi hpe jahtau ma ai. Dai Madu a daru magam n-gun gaw shi hpe akajawng sha n-gun shaja ya ai rai nna saman ri hkru mat ai zawn shi a lata lahpum ni hpe gyit gumbat da ai sumri ni hpe shadi kau wu ai.

TARA AGYI 16:20

Dai hpang shi gaw, “Samson e! Hpilisti masha ni sa wa mara ai law!,” ngu nna jahtau tsun wu ai. Shi yup hprang wa nna, “Shi gaw shawoi na zawn ndut ndang hprawng pru mat wa we ga,” ngu nna myit yu wu ai. Shi chyawm gaw dai Madu shi hpe tawn kau da nu ai hpe n chye da wu ai.

1 SAMUELA 10:10

Shawlu hte shi a shangun ma shan gaw Gibea shara e du jang, myihtoi hpung mi hte shi hkrum wu ai. Shaloi Karai Kasang a wenyi gaw shi hpe up hkang let shi mung shanhte a kabu gara ka manawt ai hte jahtau garu ai hta shang lawm wu ai.

1 SAMUELA 16:14

Dai Madu a wenyi Shawlu kaw na pru mat wa sai rai nna, dai Madu dat dat ai n hkru ai wenyi mahtang shi hpe sharu shatsang nna zingri nga ai.