SHAKAWN KUNGDAWN 50:4 - Jinghpaw Common Language Bible 2009

⁴ Shi a amyu masha ni hpe shi tara jeyang ai hpe mu lu na matu, Madu gaw sumsing lamu hte ginding aga hpe sakse shatai na nga, shaga dat wu ai.

Jinghpaw Hanson Version Bible

⁴ Shi gaw shi a amyu hpe jeyang na, aga hpe mung, Sumsing lamu hpe mung, shaga mu ai.

SHAKAWN KUNGDAWN 50:4 ပူးပေါင်းရင်းမြစ်များ

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

YEREMIA 2:9

“Dai rai nna, dai Madu ngai gaw nye a amyu masha ni hte kalang bai dangrang hkat na nngai. Ngai gaw shanhte a aru arat ni hte mung dangrang hkat na nngai.

TARA JAHPRANG 30:19

Ngai gaw nanhte hpe asak hkrung lam hte si hkrung si htan lam, Karai Kasang a chyeju hte Karai Kasang a dagam dala lam hpe lata la na lam, jaw ya nga nngai. Dai rai nna shing re ai lam hpe lata la nna sumsing lamu hte ginding aga hpe sakse da ya nngai. Dai majaw asak hkrung lam hpe mahtang lata la mu.

TARA JAHPRANG 31:28

Nanhte a amyu bawsang ni yawng hte seng ai ningbaw ni hte du salang ni yawng hpe nye a man e jahpawng tawn mu; shaloi ndai ga ni shanhte hpe tsun dan lu n-ga, shanhte a matu nye a sakse tai na, sumsing lamu hte ginding aga hpe ngai shatai na we ai.

TARA JAHPRANG 32:1

“Sumsing lamu hte ginding aga e, nye a ga ni hpe na la u, ngai kaning nga tsun nga ai ga hpe ani sha madat la u.

TARA JAHPRANG 4:26

Ngai gaw sumsing lamu hte ginding aga a mying gang let, nanhte hpe sakse hkam da made ga, nye a ga hpe nanhte n madat n hkan sa ai rai yang, kade n na yang, dai mungdan hta htum mat na rai myit dai. Yawdan hka rap nna nanhte shang madu la hkyen ai mungdan hta grai na hkra hkrung nga lu na myit dai n rai. Nanhte gaw tsep kawp shamyit kau ai hkrum na rai myit dai.

TARA JAHPRANG 4:36

Shi gaw nanhte hpe sharin achyin lu u ga nga, sumsing lamu de nna shi a nsen nanhte hpe na shangun manit dai; ndai ginding aga ntsa e mung shi a chyoi pra ai wan nanhte hpe mu shangun nna dai kata kaw na nanhte hpe ga shaga nu ai.