SHAKAWN KUNGDAWN 50:2 - Jinghpaw Common Language Bible 2009

² Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

Jinghpaw Hanson Version Bible

² Tsawm htum ai Ziun bum kaw nna, Karai Kasang gaw htoi tu nga ai.

SHAKAWN KUNGDAWN 50:2 ပူးပေါင်းရင်းမြစ်များ

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

SHAKAWN KUNGDAWN 48:3

Dai mare a hpyen dap kata ni hta shi hte rau shim lum nga ai hpe Karai Kasang madun dan nu ai.

SHAKAWN KUNGDAWN 68:24

Karai Kasang e, nye a hkawhkam Karai Kasang gaw shi a chyoi pra ai shara de, awng padang ninglaw hte yan ganawng sa wa ai hpe yawng hte wa mu nga ma ai.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

SHAKAWN KUNGDAWN 80:17

Nang lata la sai amyu masha ni ngu ai, n-gun grai ja wa hkra nang sharawt tawn ai amyu hpe mada mara ai hte makawp maga ya nga u.

SHAKAWN KUNGDAWN 80:2

Ehprim, Benyamin hte Manashe amyu baw ni hpe nang hkum nan shadan dan nna; na a daru magam n-gun madun dan ai hte anhte hpe hkye hkrang la na du sa wa rit!

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

SHARUNG SHAYAWT 2:15

Dai mare hku lai wa ai masha ni gaw nang hpe yu nna jahpoi asawng nga ma ai. “Ndai mare gaw yu tsawm na zawn rai nga a ni? Ndai mare gaw mungkan ting a gumrawng shara rai nga a ni?,” nga nna shanhte a baw ni kanga nhtawm Yerusalem mare a hten run mat ai hpe yu nna ashu nga ma ai.

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

TARA JAHPRANG 33:2

Dai Madu gaw Sina Bum kaw na yu wa nga ai; shi gaw Edom mung a ntsa e ate nga ai jan zawn rawt lung wa nna Paran Bum ntsa kaw na shi a amyu masha ni hpe shadan jahkung nga ai. Lamu kasa mun mi mung shi hte rau nga nga ai rai nna, shi a hkra lata hta grung ai wan tu nga wu ai.

SHINGRAN 1:16

Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.