SHAKAWN KUNGDAWN 5:8 - Jinghpaw Common Language Bible 2009

⁸ Madu e, Ngai gaw gumlau hpyen law law lu nga nngai! Na myit ra ai hku, galaw lu u ga, ngai hpe lam woi la e; na a lam hkan lu hkra nye a matu na a lam hpe jasan ya rit.

Jinghpaw Hanson Version Bible

⁸ Yehowa e, ngai e gyam yu ai ni a majaw, Na a dinghpring ai lam de ngai hpe woi la e. Nye a man e na a lam shading ya e.

SHAKAWN KUNGDAWN 5:8 ပူးပေါင်းရင်းမြစ်များ

2 SAMUELA 12:14

Rai ti mung, nang ndai amu galaw let dai Madu hpe ndai zawn n gawn n sawn re ai amu madun dan nit dai majaw, na a kasha gaw si lu na rai nga ai,” ngu nna tsun htang wu ai.

SHAKAWN KUNGDAWN 119:10

Nye a myit masin mahkra hte, ngai nang hpe daw jau na matu shakut na nngai; na a hkang da ai tara ni hpe lale kau ai kaw nna ngai hpe makawp da e.

SHAKAWN KUNGDAWN 119:64

Madu e, ginding aga gaw na a dinggrin tsaw ra myit hte hpring nga ai; ngai hpe na a hkang da ai tara ni sharin ya e.

SHAKAWN KUNGDAWN 138:2

Na a dinggrin tsaw ra myit hte sadi sahka gaw, na a mying nsang hte na a hkang da ai mungga ni hpe lam madun dan nga nit dai majaw, na a chyoi pra ai Nawku Htingnu de, ngai myi man yawng nna, dingnyawm ai hte na a mying nsang hpe shakawn na nngai.

SHAKAWN KUNGDAWN 27:11

Madu e, nang ngai hpe hpa galaw shangun mayu ai lam ngai hpe sharin ya e, Ngai gaw gumlau hpyen law law lu nga nngai majaw, shim ai lam dingyang hta ngai hpe woi lakawn wa rit.

SHAKAWN KUNGDAWN 31:1

Madu e, makawp maga la na matu, nang kaw ngai du sa nngai. Ngai hpe galoi mung asum hkum hkrum shangun nga et. Ngai hpe hkye hkrang la e, ngai hpyi nngai!

SHAKAWN KUNGDAWN 54:5

Nye a gumlau hpyen ni hpe ari jaw na matu Karai Kasang gaw shanhte a n hkru ai hpe bai tai u ga; shi gaw sadi sahka myit rawng nga ai majaw, shanhte hpe shi shamyit kau na ra ai.

SHAKAWN KUNGDAWN 59:10

Nye a Karai Kasang gaw ngai hpe tsaw ra nga ai rai nna, ngai kaw sa wa na ra ai, nye a gumlau hpyen ni sum mat ai lam shi ngai hpe madun dan shangun na ra ai.

SHAKAWN KUNGDAWN 86:11

Madu e, nang ngai hpe galaw shangun mayu ai lam ngai hpe sharin ya e, ngai gaw na a ga hpe kangka ai hte madat mara nga na nngai; nang hpe tsep kawp ap nawng ai myit masin hte daw jau lu na lam, ngai hpe sharin ya e.

GA SHAGAWP 4:25

Ding man kam hpa ai myit hte shawng de ading sha mada nga u; na a myi man sum let hkum gum dagup nga et.

YONA 2:5

Hka gaw nye a ntsa e taleng du wa nna ngai hpe marit si shangun nga ai; panglai hka gaw ngai hpe tsep kawp ka-up kau ai hte panglai tsing ru ni nye a baw hpe ahkyen da nga ai.

MAHTE 3:3

“Dai Madu a matu lam lajang da mu, Shi a matu, hkawm sa wa na lam masun ni hpe shading mu, nga nna nam mali kata e masha langai mi jahtau nga ai,” nga nna myihtoi Esaia tsun ai wa gaw Yawhan hpe nan ngu ai rai nga ai.

HEBRE 12:13

Ding ai lam ni hta matut nna hkawm sa nga mu, shaloi she hten ai lagaw n mai hkawm mat hkra n byin ai sha mai tsai mat wa na ra ai.