SHAKAWN KUNGDAWN 5:7 - Jinghpaw Common Language Bible 2009

⁷ Rai ti mung, na a galu kaba ai tsaw ra myit a majaw ngai na a nta de sa lu nngai; na a chyoi pra ai Nawku Htingnu hta ngai nawku lu nna nang hpe hkrit hkungga ai hte dingnyawm lu nga nngai.

Jinghpaw Hanson Version Bible

⁷ Ngai chyawm gaw, na a kaba ai chyeju majaw, na a nta hta shang lu nngai. Nang hpe hkrit hkungga ai hte, na a Htingnu de yawng let, nawku lu nngai.

SHAKAWN KUNGDAWN 5:7 ပူးပေါင်းရင်းမြစ်များ

1 HKAWHKAM 8:35

“Na a amyu masha ni nang hpe shut kau ai mara a majaw marang n htu mat jang, shanhte myit malai wa nna ndai Nawku Htingnu de myi man yawng let nang kaw shagrit shanem ai hte hpyi nem mu yang,

1 HKAWHKAM 8:38

ana ahkya hte machyi makaw shanhte hta hkrum sha yang, shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi ai rai yang,

SHAKAWN KUNGDAWN 101:7

Masu magaw ai wa kadai mung, nye a hkawhkam wang hta shanu nga lu na n rai; sawt ai wa kadai mung nye a man e, grin nga lu na n rai.

SHAKAWN KUNGDAWN 130:4

Rai ti mung, nang anhte hpe mara raw dat ya nga ndai, dai majaw, anhte nang hpe hkrit hkungga ai hte madat mara hkan sa nga ga ai.

SHAKAWN KUNGDAWN 132:7

Anhte gaw, “Madu a nta de anhte sa wa ga; shi a tingnyang man e, anhte nawku daw jau ga,” ngu nna tsun saga ai.

SHAKAWN KUNGDAWN 138:2

Na a dinggrin tsaw ra myit hte sadi sahka gaw, na a mying nsang hte na a hkang da ai mungga ni hpe lam madun dan nga nit dai majaw, na a chyoi pra ai Nawku Htingnu de, ngai myi man yawng nna, dingnyawm ai hte na a mying nsang hpe shakawn na nngai.

SHAKAWN KUNGDAWN 28:2

Karum la na matu ngai nang hpe hpyi jahtau ai hte na a chyoi pra ai Htingnu maga de nye a lata ni hpe sharawt tawn ai shaloi, ngai hpyi ai nsen hpe na ya e.

SHAKAWN KUNGDAWN 34:17

Ding hpring ai ni Madu hpe shaga yang shi madat ya nna; shi gaw shanhte a ru yak tsin-yam yawng hta na, shanhte hpe mawai la nga ai.

SHAKAWN KUNGDAWN 51:1

Karai Kasang e, na a dinggrin tsaw ra myit a majaw, ngai hpe matsan dum la e. Na a galu kaba ai matsan dum myit a majaw, nye a yubak ni hpe arut kau ya e.

SHAKAWN KUNGDAWN 52:8

Rai ti mung, ngai gaw Karai Kasang a nta na tsit lali ai tsanlun hpun zawn rai nga nngai; Ngai gaw shi a dinggrin tsaw ra myit hpe htani htana prat dingsa kam hpa nga nngai.

SHAKAWN KUNGDAWN 55:16

Rai ti mung, karum la na matu ngai gaw Madu Karai Kasang hpe hpyi shaga ai; shi ngai hpe hkye hkrang la na ra ai.

SHAKAWN KUNGDAWN 69:13

Rai ti mung, nye a matu chyawm gaw, Madu e, ngai nang hta akyu hpyi nga na nngai; Karai Kasang e, nang ra sharawng ai aten hta ngai hpe htan ya e. Na a kaba la ai tsaw ra myit hte hkye hkrang la na nga nna nang tawn da ai ga sadi hte maren ngai hpe htan ya e law.

SHAKAWN KUNGDAWN 69:16

Madu e, na a dinggrin tsaw ra myit a mai kaja ai lam hta, ngai hpe htan ya e, na a kaba la ai matsan dum myit hte ngai hpe mada mara la rit.

GA SHAGAWP 6:16

Dai Madu n dawng n yawt ai hte n hkam sharang lu ai lam, amyu sanit nga nga ai; dai ni gaw gumrawng gumtawng ai myi man nsam, masu magaw ga tsun ai shinglet, mara n kap ai wa hpe sat kau ai lata, n hkru n kaja ai hpe maw mawn hpaji daw ai myit masin, kajam kalam galaw na, lawan ai lagaw, masu ga langai hpang langai tsun nna sakse hkam ai wa, manaw manang shada da a lapran e, ru yak tsin-yam hpe shalut kabrawng ya ai wa rai nga ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 64:11

chyoi pra ai hte tsawm htap nna anhte a kaji kawa ni nang hpe shakawn kungdawn ai anhte a Nawku Htingnu mung wan a majaw hten mat sai. Anhte tsaw ra manoi ai shara ni yawng hten run mat sai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.