SHAKAWN KUNGDAWN 5:6 - Jinghpaw Common Language Bible 2009

⁶ Masu magaw ga tsun ai ni yawng hte hpe nang jahten kau ndai; kashun kashe hte hkalem hkalau chye ai ni hpe nang matsat nga ndai.

Jinghpaw Hanson Version Bible

⁶ Masu ga tsun ai ni hpe nang jahten kau nga ndai, Sai kap ai hte hkalem sha ai wa hpe, Yehowa matsat nga ai.

SHAKAWN KUNGDAWN 5:6 ပူးပေါင်းရင်းမြစ်များ

NINGPAWT NINGHPANG 34:14

Shanhte gaw shi hpe, “Matu gadoi n hkam ai wa hpe anhte a kajan n ya sha lu na ga ai; dai sha n-ga, anhte a matu myi man sum shara tai na ru ai.

2 SAMUELA 16:8

Nang gaw Shawlu a mungdan hpe kashun la nga ndai; ya chyawm gaw dai Madu mung Shawlu a dinghku na masha law law hpe sat kau ai amu a majaw nang hpe ari jaw nga sai. Nang gaw hten run mat nna masha sat ai wa rai nga ndai majaw dai Madu gaw na a kasha Absalom hpe mungdan ap kau nu ai!,” ngu nna tsun wu ai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

SHAKAWN KUNGDAWN 11:5

Shi gaw kaja ai ni hpe mung, tara n lang ai ni hpe mung maren san jep nna; tara kata ai ni hpe shi a myit masin mahkra hte n dawng nga ai.

SHAKAWN KUNGDAWN 4:2

Amyu masha ni ngai hpe galoi du hkra n kaw n law di na myit ni? Akyu n rawng ai lam hpe nanhte tsaw ra nga nna, shut hpyit ai lam de galoi du hkra hkan nang na ngu myit ni?

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.