SHAKAWN KUNGDAWN 5:3 - Jinghpaw Common Language Bible 2009

³ nang gaw jahpawt manap aten hta nye a nsen hpe na ya nga ndai; jan pru wa yang mung nye a akyu hpyi ga hpe ngai sak jaw nna, na a mahtai hpe ala nga nngai.

Jinghpaw Hanson Version Bible

³ Yehowa e, nang jau jau e nye a nsen na lu na ndai. Jahpawt manap e ngai na a matu hkungga lajang da nna, a mada nga nngai.

SHAKAWN KUNGDAWN 5:3 ပူးပေါင်းရင်းမြစ်များ

YOBA 34:28

Shanhte gaw Karai Kasang hpe jahtau na matu matsan mayan masha ni hpe shadut ma ai; shi gaw karum la na matu shanhte jahtau ai nsen hpe na wu ai.

SHAKAWN KUNGDAWN 119:147

Karum la na matu, jan garai n pru yang, nang hpe ngai shaga nngai; na a ga sadi hpe ngai myit mada nga nngai.

SHAKAWN KUNGDAWN 130:2

Madu e, nye a hpyi jahtau ai nsen hpe na ya e; karum la na matu, nye a hpyi shaga ai nsen hpe madat ya e.

SHAKAWN KUNGDAWN 130:6

Sin langa ni jahpawt manap hpe ala nga ai zawn rai sa, sin langa ni jahpawt manap hpe ala nga ai hta grau nna, ngai gaw dai Madu hpe myit katu ai hte ala nga nngai.

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 22:2

Nye a Karai Kasang e, shani e, ngai nang hpe shaga ti mung; nang n htan ya ndai; shana e shaga ti mung, ban sa ai lam ngai n lu nga nngai.

SHAKAWN KUNGDAWN 44:5

anhte gaw gumlau hpyen ni hpe na a daru magam n-gun hte dang ga ai.

SHAKAWN KUNGDAWN 55:17

Jahpawt manap, shani ka-ang hte shana na aten ni hta, nye a hpyi aput ai hte madai ai nsen gaw shi kaw hkrang lung wa ai; shi gaw nye a nsen hpe na ya na ra ai.

SHAKAWN KUNGDAWN 69:16

Madu e, na a dinggrin tsaw ra myit a mai kaja ai lam hta, ngai hpe htan ya e, na a kaba la ai matsan dum myit hte ngai hpe mada mara la rit.

SHAKAWN KUNGDAWN 74:12

Rai ti mung, Karai Kasang e, nang gaw shawng npawt kaw nna anhte a hkawhkam wa rai nga nit dai; nang anhte hpe law law lang mung, hkye hkrang la nit dai.

SHAKAWN KUNGDAWN 84:4

Na a Nawku Htingnu kata hta nang hpe tut nawng mahkawn shakawn let; shanu nga ai ni gaw kade wa a nga ma hka!

SHAKAWN KUNGDAWN 88:13

Madu e, karum la na matu, ngai nang hpe shaga nga nngai; jahpawt shagu nang kaw akyu hpyi nga nngai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

SHARUNG SHAYAWT 3:56

Nye a hpyi jahtau ai nsen hpe madat ya na matu ngai nang hpe hpyi lajin ai shaloi, nang na ya nit dai.

MARKU 1:35

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.