SHAKAWN KUNGDAWN 5:2 - Jinghpaw Common Language Bible 2009

² Nye a Karai Kasang hte Hkawhkam wa e! karum la na matu, nye a hpyi jahtau ai nsen hpe madat ya e, O Madu e, ngai nang kaw akyu hpyi nngai;

Jinghpaw Hanson Version Bible

² Nye a Hkawhkam hte Karai Kasang e, ngai jahtau ai nsen matsing da u; Kaning rai nme law, nang kaw ngai akyu hpyi nga nngai.

SHAKAWN KUNGDAWN 5:2 ပူးပေါင်းရင်းမြစ်များ

1 HKAWHKAM 8:28

Madu nye a Karai Kasang e, ngai gaw na a shangun ma wa rai nga nngai. Nye a hpyi nem ai ga hpe madat ya nna dai ni ngai nang kaw hpyi lajin ai ga ni hpe mahtai jaw ya e law.

SHAKAWN KUNGDAWN 10:16

Dai Madu gaw htani htana agrin nga ai hkawhkam rai nga ai. tsasam karai ni hpe nawku ai ni gaw shi a lamu ga kaw nna hkoi mat wa na mara ai.

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 3:4

Karum la na matu, Madu hpe ngai shaga nngai; shi ngai hpe shi a chyoi pra ai Bum kaw nna htan ya nga ai.

SHAKAWN KUNGDAWN 44:4

Nang gaw nye a hkawhkam wa hte nye a Karai Kasang rai nga ndai; na a amyu masha ni hpe awng padang nang jaw ya nga ai rai nna,

SHAKAWN KUNGDAWN 74:12

Rai ti mung, Karai Kasang e, nang gaw shawng npawt kaw nna anhte a hkawhkam wa rai nga nit dai; nang anhte hpe law law lang mung, hkye hkrang la nit dai.

SHAKAWN KUNGDAWN 84:3

Nye a hkawhkam hte nye a Karai Kasang Chyahtum Chyalai n-gun rawng ai Madu e, u tsa ni pyi, na a tawn hkungri ni a makau e, shanhte a tsip galaw nga ma ai, pilan ni mung shanhte a matu nta lu nga ma ai, shing rai, shanhte a u hkalung ni hpe dai shara ni hta tawn da nga ma ai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

SHARUNG SHAYAWT 3:56

Nye a hpyi jahtau ai nsen hpe madat ya na matu ngai nang hpe hpyi lajin ai shaloi, nang na ya nit dai.