SHAKAWN KUNGDAWN 5:12 - Jinghpaw Common Language Bible 2009

¹² Madu e, nang gaw na a ga madat mara nga ai ni hpe shaman ya nga ndai; na a tsaw ra myit gaw shanhte hpe ninggang zawn makawp maga ya nga ai.

Jinghpaw Hanson Version Bible

¹² Kaning rai nme law, nang gaw dinghpring ai wa hpe shaman ya nga ndai; Yehowa e, nang shi hpe chyeju hte n-gang zawn, kawan da nga ndai.

SHAKAWN KUNGDAWN 5:12 ပူးပေါင်းရင်းမြစ်များ

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 115:13

Shi hpe shagrau sha-a ai masha shagu hta na, kaji ai kaba ai n nga, yawng hpe shaman ya na ra ai.

SHAKAWN KUNGDAWN 118:15

“Dai Madu gaw chyahtum chyalai n-gun hte mauhpa magam amu ni hpe galaw nu ai!

SHAKAWN KUNGDAWN 119:132

Nang hpe tsaw ra nga ai ni yawng hte a ntsa e, nang galaw ai zawn, ngai hpang de kayin wa nna ngai hpe matsan dum la e.

SHAKAWN KUNGDAWN 29:11

Dai Madu gaw shi a amyu masha ni hpe n-gun atsam jaw ya ai rai nna ngwi pyaw sim sa ai chyeju hte shanhte hpe shaman ya nga ai.

SHAKAWN KUNGDAWN 3:3

Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 32:10

Tara n lang ai ni gaw nni nkri hkam sha ra na ma ai, rai ti mung, Madu hpe kam hpa nga ai ni gaw shi a dinggrin tsaw ra myit hte makawp maga la ai hkrum nga ma ai.

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

SHAKAWN KUNGDAWN 68:4

Karai Kasang hpe mahkawn mu, shi a mying nsang hpe mahkawn shakawn mu; sumwi jawn ai wa a matu lam shajin mu. Shi a mying gaw Madu rai nga ai, shi a man hta kabu gara nga mu!

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.