SHAKAWN KUNGDAWN 49:3 - Jinghpaw Common Language Bible 2009

³ Nye a myit sawn ai lam ni gaw asan sha rai na ra ai; ngai gaw hpaji ga ni hpe tsun na nngai.

Jinghpaw Hanson Version Bible

³ Nye a n-gup hpaji hparat shapraw dan nna, Nye a myit zai byeng-ya aru yu na ra ai.

SHAKAWN KUNGDAWN 49:3 ပူးပေါင်းရင်းမြစ်များ

YOBA 33:3

Ngai tsun ai ga yawng mayawng malang nga ai rai nna; teng man ai ga hpe ngai tsun nga nngai.

YOBA 33:33

Rai ti mung, dai hku n rai yang, atsin sha nga nna, nye a ga madat u, kaning re ai hpaji rawng ai wa tai wa hkra, ngai nang hpe sharin achyin ya na we ai.

SHAKAWN KUNGDAWN 104:34

Nye a kabu gara ai lam gaw shi kaw na rai nga ai majaw, nye a mahkawn shakawn ai ga hpe Madu ra sharawng nga u ga law.

SHAKAWN KUNGDAWN 119:130

Na a sharin achyin ai mungga ni hpe tsun shaleng ai lam ni gaw nhtoi hpe jaw ya nga ai rai nna, n chye n chyang ai ni hpe kunghpan wa shangun nga ai.

SHAKAWN KUNGDAWN 19:14

Nye a shingbyi shara hte nye a hkye hkrang la ai Madu e, nye a n-gup ga ni hte nye a sumru ai lam ni gaw na a man e sharawng awng nga u ga law.

SHAKAWN KUNGDAWN 37:30

Mai kaja ai masha langai mi a n-gup ga ni hta hpaji ga rawng nga ai; shi gaw tut nawng e tara ding nga ai.

SHAKAWN KUNGDAWN 4:3

Madu gaw ding hpring ai masha ni hpe shi a matu lata san da nu ai hpe dum mu; ngai shi hpe shaga ai shaloi, shi ngai hpe madat ya nga ai.

SHAKAWN KUNGDAWN 45:1

Hkawhkam wa a matu, ndai mahkawn hpe ngai jahtuk ai majaw; nye a myit masin hta tsawm htap ai ga ni hte hpring nga li ai. Kungkyang ai laika ka shara wa lang ai pen zawn, nye a shinglet gaw ga shagawp tsun na jin jin rai nga nngai.

GA SHAGAWP 22:17

Ngai nang hpe sharin achyin ya na, dai hpaji rawng ai masha ni a tsun sharin shaga da ai ga ni hpe, madat u. Shanhte a sharin shaga ai ga matsun ni hpe hka ja u.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

TARA JAHPRANG 32:2

Nye a sharin shaga ai ga gaw marang si ni zawn htu hkrat nna, ginding aga ntsa e numri zawn rai nga na ra ai. Nye a ga mung hpun bawng ni a ntsa e marang mahpawng zawn, tsit lali ai tsingdu ni a ntsa e marang shaya zawn htu bun na ra ai.