SHAKAWN KUNGDAWN 48:7 - Jinghpaw Common Language Bible 2009

⁷ laja lana re ai nbung laru kata, le de, wo de, adawt kanga hkrum nga ai sanghpaw li zawn hkrit gari ai hte ruyak kyindut hkrum hkra nga ma ai.

Jinghpaw Hanson Version Bible

⁷ Nang gaw sinpraw de na nbung laru hte, Tarshi a hpaga li ni hpe agrawp kau mu ai.

SHAKAWN KUNGDAWN 48:7 ပူးပေါင်းရင်းမြစ်များ

1 HKAWHKAM 10:22

Shi gaw nammukdara hta hkawm ai sanghpaw li hpung ni lu ai rai nna Hiram a sanghpaw li hpung ni hte rau hkawm nga ma ai. Shing rai masum ning du shagu shi a sanghpaw li hpung ni gaw ja gumhpraw, magwi kawng, woi lagang ni hte woi ni htaw let nhtang wa wa rai ma ai.

1 HKAWHKAM 22:48

Hkawhkam Yehoshahpat gaw nammukdara ntsa hkawm ai sanghpaw li ni hpe shachyaw nhtawm Ohpira mung na ja sa htaw la na nga pru sa wa wu ai; rai ti mung Eziongebera shara e daw agrawp mat nna, galoi mung n pru sa lu nga sai.

PRU MAT 15:14

Amyu baw ni na manu ai rai nna, shanhte hkrit gari nga ma ai; Hpilisti masha ni mung hkrit kajawng nga ma ai.

ESAIA 13:8

Shanhte gaw shinggyim machyi ai numsha zawn yawng hte gaw hkrit kajawng ai hte nchyi nmu hkrum sha na mara ai. Shanhte gaw hkrit ai myit hte shada da yu hkat na mara ai; shanhte a myi man ni gaw kaya kahpa hte hkyeng mat na mara ai.

ESAIA 2:16

Shi gaw kaba htum ai hte tsawm dik htum ai sanghpaw li ni hpe pyi lup kau na ra ai.

YEREMIA 18:17

Ngai gaw shanhte hpe sinpraw nbung e shapoi kau ai ga nhpu zawn, nye a amyu masha ni hpe shanhte a gumlau hpyen ni a man e shabra kau na we ai. Ngai gaw shanhte hpe shingdu kayin kau na nngai; tsin-yam tsindam du ai shaloi, ngai shanhte hpe karum na nngai n rai,” ngu nna tsun ai.