SHAKAWN KUNGDAWN 47:9 - Jinghpaw Common Language Bible 2009

⁹ Masha amyu baw ni a du salang ni gaw Abraham a Karai Kasang a amyu masha ni hte rau hpawng nga ma ai. Hpyen dap ni yawng hta daru magam n-gun shi grau kaba nga ai; shi gaw tsaw htum ai hku up hkang nga ai.

Jinghpaw Hanson Version Bible

⁹ Abraham a Karai Kasang a amyu hte rau, Amyu ni a du salang ni zuphpawng nga ma ai. Kaning rai nme law, mungkan a n-gang ni hpe, Karai Kasang up nga ai. Shi gaw nachying grau ai wa rai nga ai law.

SHAKAWN KUNGDAWN 47:9 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

SHAKAWN KUNGDAWN 89:18

Madu e, Nang gaw anhte hpe makawp maga la na wa hpe lata da ya nga ndai; Israela a chyoi pra ai Karai Kasang e, nang anhte a matu hkawhkam jaw ya nit dai.

SHAKAWN KUNGDAWN 97:9

Chyahtum Chyalai n-gun rawng ai Madu e, mungkan ga mahkra hpe up hkang ai wa nang rai nga ndai; nang gaw hpara ni mahkra hta grau nna kaba nga ndai.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

GA SHAGAWP 30:5

“Karai Kasang gaw shi tawn da ai ga shaka sha-u hta sadi dung nga ai. Shi gaw shi a makawp maga ai hta shingbyi shara hpe hkan tam ai masha ni yawng a matu ninggang zawn rai nga ai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

MAHTE 22:32

Karai Kasang chyawm gaw, si nga ai ni a Karai Kasang n rai, ahkrung nga ai ni a Karai Kasang she rai nga ai,” nga ai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

GALATI 3:29

Ya nanhte gaw Hkristu hte seng ai ni rai nga myit yang gaw, nanhte Abraham a aru arat ni rai nga myit dai hte, dai ga ndat nga ai hte maren Karai Kasang kaw na sali wunli hkam la lu na ni rai myit dai.