SHAKAWN KUNGDAWN 47:8 - Jinghpaw Common Language Bible 2009

⁸ Karai Kasang gaw shi a chyoi pra ai tingnyang hta dung nga ai; shi gaw amyu baw ni yawng hte hpe up hkang nga ai.

Jinghpaw Hanson Version Bible

⁸ Karai Kasang gaw masha amyu ni hpe up nga ai, Karai Kasang gaw shi a chyoi pra ai tingnyang hta dung nga ai.

SHAKAWN KUNGDAWN 47:8 ပူးပေါင်းရင်းမြစ်များ

1 HKAWHKAM LABAU 16:31

Ginding aga hte sumsing lamu e, kabu gara nga mu! Dai Madu gaw hkawhkam rai nga ai ngu nna amyu baw ni hpe tsun dan mu.

SHAKAWN KUNGDAWN 110:6

Shi gaw masha ni hpe tara dara na ra ai hte, majan pa ni hta masha mang ni hte jahpring da na ra ai; mungkan ting na hkawhkam ni hpe shi agrawp kau na ra ai.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 89:14

Na a mungdan hpe ding man ai hte teng man ai lam hta npawt gaw da nga ai; nang galaw ai lam shagu hte hta tsaw ra myit hte sadi sahka ai lam hpe madun dan nga ndai.

SHAKAWN KUNGDAWN 9:4

Nang gaw na a tara dara ai lam hta myit malang ai hte ding man ai wa rai nga ndai rai nna; ngai hpang maga de nang tara jeyang ya nit dai.

SHAKAWN KUNGDAWN 93:1

Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

SHAKAWN KUNGDAWN 94:20

N tara ai amu hpe tara shang hkra chye galaw nna, dai zawn re ai gumhpraw marin ai tara agyi ni hte nang hpa mung n seng nga ndai.

SHAKAWN KUNGDAWN 96:10

“Dai Madu gaw hkawhkam rai nga ai! Aga hpe ngang ngang kang kang shi gaw da nna, dai gaw shamu shamawt nga ai n rai; shi gaw amyu masha ni hpe teng man ai lam hte tara jeyang na ra ai,” nga nna amyu baw ni yawng hpe tsun mu.

SHAKAWN KUNGDAWN 97:1

Dai Madu gaw hkawhkam rai nga ai! Ginding aga e, kabu jahtau nga u! panglai zunlawng ni e, nanhte mung kabu gara nga mu.

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

SHAKAWN KUNGDAWN 99:2

Ziun e shanu nga ai dai Madu gaw n-gun chyalai rawng nga ai; amyu baw ni yawng hta grau htum ai wa rai nga ai.

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.