SHAKAWN KUNGDAWN 47:3 - Jinghpaw Common Language Bible 2009

³ Shi gaw anhte hpe masha amyu ni hpe dang lu ai, awng padang lam jaw ya nga ai; shi gaw anhte hpe masha amyu baw ni hpe up hkang shangun nga ai.

Jinghpaw Hanson Version Bible

³ Shi gaw anhte a npu e masha amyu ni hpe, Anhte a lagaw kata e amyu baw ni hpe, dip da mu ai.

SHAKAWN KUNGDAWN 47:3 ပူးပေါင်းရင်းမြစ်များ

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 18:47

Shi gaw nye a gumlau hpyen ni a ntsa e, dang lu na awng padang ngai hpe jaw ya nga ai; nye a npu e, amyu baw ni hpe shi ap ya ni ai

SHAKAWN KUNGDAWN 66:5

Karai Kasang galaw dan sai amu hte shinggyim masha ni a lapran e, shi galaw dan sai mauhpa magam amu ni hpe, sa nna yu yu mu.

SHAKAWN KUNGDAWN 81:14

Ngai gaw shanhte a gumlau hpyen ni hpe alawan sha dang kau ya nna; shanhte a hpyen ni yawng hpe shamyit kau na we ai.

SHAKAWN KUNGDAWN 95:3

Kaning rai nme law, Madu gaw Chyahtum Chyalai n-gun rawng ai Karai Kasang, karai ni yawng a ntsa e up nga ai n-gun hte hpring ai hkawhkam wa rai nga ai.

SHAKAWN KUNGDAWN 99:2

Ziun e shanu nga ai dai Madu gaw n-gun chyalai rawng nga ai; amyu baw ni yawng hta grau htum ai wa rai nga ai.

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

YAWSHU 21:44

Shanhte a kaji kawa ni hpe ga sadi jaw da sai hte maren, mungdan ting hta ngwi pyaw sim sa nga na lam, dai Madu gaw shanhte hpe jaw nu ai. Dai Madu nan Israela kashu kasha ni shanhte a gumlau hpyen ni yawng hpe dang manga kau lu ai awng padang jaw ya nu ai majaw gumlau hpyen ni kadai mung n rawt tsap lu nga ma ai.