SHAKAWN KUNGDAWN 45:9 - Jinghpaw Common Language Bible 2009

⁹ Na a hkawhkam htingnu na shayi sha ni hta hkawhkam ni a shayi sha ni mung lawm nga ma ai; na a tingnyang a hkra maga de, htoi kabrim ai ja hte mawn sumli da nga ai hkawhkam jan tsap nga ai.

Jinghpaw Hanson Version Bible

⁹ Hkawhkam ni a shayi sha ni, na a nja jan ni rai nga ma ai; Uhpira ja hte mawn nga ai hkawhkam jan gaw, Na a hkra maga de tsap nga ai.

SHAKAWN KUNGDAWN 45:9 ပူးပေါင်းရင်းမြစ်များ

1 HKAWHKAM 10:11

(Ohpira mung na ja htaw wa ai Hiram a sanghpaw li hpung gaw dai mung na junipa hpun hte ja lungseng law law hpe mung la wa ya ma ai.

1 HKAWHKAM 2:19

Dai rai nna Batsheba gaw Adoniya a malai Shawlumon hpe sa tsun na nga hkawhkam wa hpang de shang wa wu ai. Shaloi hkawhkam wa gaw shi a kanu hpe shakram la na nga, rawt tsap let shi hpe gum let hkungga jaw wu ai. Dai hpang shi gaw shi magam tingnyang hta dung nga ai; shi kanu a matu kaga langai mi mung la shang wa ya ai hte Batsheba mung shi a hkra maga e dung nga ai.

1 HKAWHKAM 2:9

Rai ti mung shi hpe ari n jaw gaw hkum rai et. Kaning rai galaw na gaw nang chye nga ndai majaw shi si lu na rai nga ai, dai lam hpe nang lajang lu na rai ndai.

1 HKAWHKAM LABAU 1:23

Ohpira, Hawila Yobab ni rai ma ai.

YOBA 22:24

Nang lu ai aja kabai kau u; na ja jet ni hpe hkun hkraw ai hka shi lam e sumpum da su.

SHAKAWN KUNGDAWN 45:13

Hkawhkam shayi sha gaw hkawhkam htingnu kata hta nga nga ai-shi gaw kade wa tsawm htap nga a hka! Shi a palawng galu ni hpe ja ri hte da da nga ai.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

GA SHAGAWP 7:17

Dai yup ku hpe mura, maling shingnam, maza hpun ni hte manam pyaw hkra gat shamawng da se ai.

Shawlumon A Mahkawn Ga 7:1

Nang gaw mauhpa numsha she rai nga n hka! Na a lagaw hta kyepdin din da ai gaw kade sha tsawm htap nga lit hka! Wang wang re ai na a magyi ni gaw sumla soi sara wa a amu zawn rai nga ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

SHINGRAN 19:7

Dai Sagu Kasha a hkungran poi aten du ra ai rai nna, anhte kabu gara nga ai hte awng sharawng nga ga, shi a hpung shingkang hpe shakawn shagrau nga ga, Shi a num ningnan jan gaw, shi hkum hpe mawn sumli ngut sai rai nna,

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 21:24

Mungkan ga a amyu masha ni dai mare a nhtoi hte hkawm sa lu na mara ai, ga ntsa na hkawhkam ni mung, tinang a sut gan ngamu ngamai ai hpe dai mare de la jashawn na maru ai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.