SHAKAWN KUNGDAWN 45:3 - Jinghpaw Common Language Bible 2009

³ N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

Jinghpaw Hanson Version Bible

³ Share wa e, na a nhtu, na a arawng sadang, na a hpung shingkang hte hpe, hpye u.

SHAKAWN KUNGDAWN 45:3 ပူးပေါင်းရင်းမြစ်များ

YOBA 1:16

Dai wa ga shaga pyi garai n htum yang, kaga shangun ma langai mi hkan du wa nhtawm, “Myihprap wan gala nna sagu hte sagu rem ai ni yawng hpe sat kau ma ai. Nang hpe shiga wa tsun dan na matu hprawng lawt wa ai gaw ngai chyu sha rai nga nngai,” ngu nna tsun wu ai.

SHAKAWN KUNGDAWN 104:1

Nye a Wenyi e Madu hpe shakawn u! O Madu nye a Karai Kasang e, nang gaw kade wa galu kaba nga n hka! Nang gaw daru magam, hpung shingkang hte bu hpun da nna;

SHAKAWN KUNGDAWN 145:12

Shing rai, masha hkum shagu hte gaw na a atsam rawng ai magam bungli ni hte; hpung shingkang arawng sadang hte hpring nga ai, na a mungdan lam ni hpe chye na lu na mara ai.

SHAKAWN KUNGDAWN 145:5

Na a hpung shingkang hte arawng sadang hpe mung shanhte tsun hkai dan na mara ai; na a mauhpa magam bungli ni hpe ngai myit aru yu nga na nngai.

SHAKAWN KUNGDAWN 21:5

Nang karum la ai a majaw, shi a hpung shingkang galu kaba nga ai; nang shi hpe gumhkawng ai hte arawng sadang jaw ya nit dai.

SHAKAWN KUNGDAWN 21:7

Dai hkawhkam wa gaw Chyahtum Chyalai n-gun rawng ai Madu hpe kam hpa nga ai; Madu a dinggrin tsaw ra myit a majaw shi tut nawng e shim lum nga na ra ai.

SHAKAWN KUNGDAWN 96:6

Hpung shingkang hte galu kaba ai hpung shingkang gaw shi hpe shinggrup da nna; daru magam n-gun hte tsawm htap ai lam gaw shi a Nawku Htingnu hta hpring nga ai.

Shawlumon A Mahkawn Ga 2:3

Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

Shawlumon A Mahkawn Ga 5:13

Shi a shabyi ni gaw tsi ru hpun ni hte namji namya ni hte hpring nga ai hkai sun langai zawn tsawm htap nga ai. Shi a nten gaw hka law pan hte bung nna, mura sau kapya bun ai zawn madi nga ai.

ESAIA 49:2

Shi gaw nye a n-gup hpe dai ai nhtu zawn shatai nu ai. Shi a lata hte nan ngai hpe makawp maga da nga ai. Shi gaw ngai hpe lang na matu jin jin masen da ai pala zawn shatai nga ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

ROMA 14:9

Hpa majaw nga yang, Hkristu gaw hkrung nga ai ni hte si mat ai ni a Madu tai lu na matu si hkam nna bai hkrung rawt wa sai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

HEBRE 8:1

Ya anhte tsun dan nga ai lam ni a ahkyak ai ga madung gaw: anhte gaw Sumsing Lamu na Daru Magam hte hpring ai tingnyang a hkra maga de dung nga ai Hkinjawng Agyi Kaba lu ga ai.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

SHINGRAN 1:16

Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

SHINGRAN 19:21

Shanhte a hpyen luksuk ni hpe gaw, gumra jawn ai wa a n-gup hta na pru ai ntawng nhtu hte sat kau ai hkrum ma ai rai nna, u ni mahkra gaw shanhte a ashan hpe shanhte sha lu ai daram hkru hkru kat kat sha ma ai.

TARA AGYI 3:16

Ehud gaw shi a matu dawng mi galu nna nshan lahkawng maga dai ai nhtu galaw nhtawm, hkra maga na shi a hpun palawng kata hta bang da wu ai.