SHAKAWN KUNGDAWN 45:1 - Jinghpaw Common Language Bible 2009

¹ Hkawhkam wa a matu, ndai mahkawn hpe ngai jahtuk ai majaw; nye a myit masin hta tsawm htap ai ga ni hte hpring nga li ai. Kungkyang ai laika ka shara wa lang ai pen zawn, nye a shinglet gaw ga shagawp tsun na jin jin rai nga nngai.

Jinghpaw Hanson Version Bible

¹ Nye a myit masin kaja ai ga katu nga ai; Hkawhkam wa a gawp e ngai galaw ai amu hpe ngai tsun nga nngai: Nye a shinglet atsawm sha chye ka ai wa a kanyit rai nga ai.

SHAKAWN KUNGDAWN 45:1 ပူးပေါင်းရင်းမြစ်များ

SHAKAWN KUNGDAWN 49:3

Nye a myit sawn ai lam ni gaw asan sha rai na ra ai; ngai gaw hpaji ga ni hpe tsun na nngai.

YOBA 33:3

Ngai tsun ai ga yawng mayawng malang nga ai rai nna; teng man ai ga hpe ngai tsun nga nngai.

2 SAMUELA 23:2

Dai Madu a wenyi gaw ngai hku nna tsun nga ai; shi a mungga nye a shinglet hta rawng nga ai.

GA SHAGAWP 16:23

Zai byeng-ya rawng ai masha ni gaw shanhte garai n tsun shaga yang, shawng myit yu nga ma ai; shanhte tsun shaga ai ga gaw masha hpe grau nna myit gang kayin la lu nga ma ai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

ESAIA 5:1

Ndai mahkawn ga, na a matu ngai mahkawn nga yang madat la u. dai gaw nye manang a mahkawn hte shi a sabyi sun a lam rai nga ai: Nye a manang wa gaw namhpun grai kaja ai kawng langai a ntsa e sabyi sun langai lu ai.

SHAKAWN KUNGDAWN 69:1

O Karai Kasang e, ngai hpe hkye hkrang la e! Hka gaw nye a du du hkra lim lung wa nga ai.

YOBA 34:4

Dai amu hpe daw dan na gaw anhte a amu rai nga ai.

EHPESU 5:32

Ndai lam gaw Chyum Laika hta shadan dan ai sung htum ai teng man lam langai mi rai nna Hkristu hte hpung hpe lakap nna tsun ai ga re ngu nna ngai chye na we ai.

MAHTE 27:37

Shi a baw ntsa e, “Ndai wa gaw Yuda ni a Hkawhkam Yesu rai nga ai,” ngu nna shi a mara madun ai laika hpe shanhte ka shakap da ma ai.

Shawlumon A Mahkawn Ga 1:12

Nye a hkawhkam wa gaw shi a yup ku hta kaleng taw nga ai, nye a manam pyaw ai bat gaw nbung hta manam mawng nga ai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

SHAKAWN KUNGDAWN 42:1

Shan nga gaw hka shi a katsi ai hka hpe marit nga ai zawn; Karai Kasang e, ngai mung nang hpe marit nga nngai.