SHAKAWN KUNGDAWN 42:9 - Jinghpaw Common Language Bible 2009

⁹ “Nang gaw ngai hpe hpa majaw malap kau nga n ni? Nye a gumlau hpyen ni a gumshem ai hta ngai nni nkri hpe hpa majaw matut hkam sha ra nga a ta?,” ngu nna nye a shingbyi shara Karai Kasang hpe ngai tsun ni ai.

Jinghpaw Hanson Version Bible

⁹ Dai majaw Karai Wa hpe, Nye a lunghkrung e, Nang hpa rai ngai hpe malap kau nga n ta? Gumlau ni sharu shatsang ai majaw, Yawn hkrum ai wa zawn ngai hpa rai hkawm nga n hka? ngu na we ai.

SHAKAWN KUNGDAWN 42:9 ပူးပေါင်းရင်းမြစ်များ

SHAKAWN KUNGDAWN 13:1

Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 38:6

Ngai gaw nshang htingkung nga nngai hte myit daw myit hten ai hkrum nga nngai; shing rai, shani tup ngai sharung shayawt nga nngai.

SHAKAWN KUNGDAWN 43:2

Nang gaw ngai hpe makawp maga ai wa rai nga ndai; ngai hpe hpa majaw nang kau da nga n ta? Nye a gumlau hpyen ni a gumshem ai hta ngai hpa majaw nni nkri hpe matut hkam sha ra nga a ta?

SHAKAWN KUNGDAWN 55:3

Nye a gumlau hpyen ni a jahkrit shama ai a jaw e, ngai hkrit gari nga nngai; tara n lang ai ni a dip gamyet sha ai hta ngai agrawp ayai ai hkrum nga nngai. Shanhte gaw ngai hpe sharu shatsang nga ma ai; shanhte ngai hpe masin pawt let n ju n dawng nga ma ai.

SHAKAWN KUNGDAWN 62:2

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.

SHAKAWN KUNGDAWN 77:9

Karai Kasang gaw matsan dum na malap kau nu ai kun? Matsan dum la na malai, masin kahtet bu nga ai kun?”

SHAKAWN KUNGDAWN 78:35

Karai Kasang gaw shanhte hpe makawp maga nga ai wa rai nga ai hte; shanhte hpe karum la na matu, Chyahtum Chyalai n-gun rawng ai Madu du sa nga ai lam hpe, shanhte dum nga masai.

SHAKAWN KUNGDAWN 88:9

nni nkri hkam sha ai majaw, nye a myi ni amam nga li ai. Madu e, ngai nang hpe shani shagu shaga nga nngai hte; nye a lata ni hpe sharawt nna, nang kaw akyu hpyi nga nngai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

ESAIA 40:27

Israela e, dai Madu gaw na a tsin-yam tsindam hpe n chye nga ai nga nna, nang hpa majaw aput angun nga n ni? Nang gaw n teng n man ai tara a nni nkri hpe hkam sha yang shi nang hpe n yu ai ngu hpa majaw tsun nga n ta?

ESAIA 49:15

Dai rai nna dai Madu gaw, “Numsha gaw tinang a chyu chyu ai ma hpe malap kau nna shi shangai ai ma hpe n tsaw ra mai nga a ni? Kanu gaw tinang a kasha hpe malap kau tim pyi, ngai gaw nang hpe galoi mung malap kau na nngai n rai.