SHAKAWN KUNGDAWN 42:8 - Jinghpaw Common Language Bible 2009

⁸ Dai Madu gaw shani na aten hta, shi a dinggrin tsaw ra myit hpe madun dan ya u ga; shaloi, shana na aten hta, ngai mung mahkawn shakawn lu na nngai; nye a asak a Karai Kasang hpang de akyu hpyi lu n-ga.

Jinghpaw Hanson Version Bible

⁸ Yehowa gaw shi a chyeju shani e jaw nga nna, shana e mung shi hpe mahkawn ai ga hte, Nye a asak daju Karai Wa hpe hpyi let, ngai nga nga na nngai.

SHAKAWN KUNGDAWN 42:8 ပူးပေါင်းရင်းမြစ်များ

SHAKAWN KUNGDAWN 149:5

Karai Kasang a amyu masha ni gaw shanhte a awng padang lam hta kabu gara lu mu ga; kabu gara ai hte shana tup, shanhte mahkawn mangoi nga mu ga.

SHAKAWN KUNGDAWN 63:6

Ngai yupku ntsa e kaleng nga ai shaloi nang hpe dum nga nngai; nang ngai hpe tut nawng karum la nga nit dai majaw

SHAKAWN KUNGDAWN 16:7

Shi ngai hpe lam woi nga ai majaw, Madu hpe ngai shakawn na nngai; shing rai shana e mung nye a htauli htaula myit gaw ngai hpe shadum jahprang nga ai.

YOBA 35:10

Rai ti mung, shanhte gaw shanhte a Hpang Wa Ningsang, nsin sin htum ai aten hta shanhte hpe myit mada shara jaw ya ai Karai Kasang hpang de kayin wa ma ai n rai.

TARA JAHPRANG 28:8

“Dai Madu nanhte a Karai Kasang gaw nanhte galaw ai magam amu hpe shaman chyeju jaw ya nhtawm nanhte a mam dum ni hta nai mam nsi naisi hte hpring nga na ra ai. Shi nanhte hpe jaw ai mung hta nanhte hpe shaman chyeju jaw ya na ra ai.

SHAKAWN KUNGDAWN 133:3

Dai gaw Hermon bum ntsa hte Ziun bum ni a ntsa e, hkrat ai numri ni zawn rai nga ai. Dai gaw galoi mung htum ngu n nga ai asak, dai Madu ga sadi jaw ya sai shi a shaman chyeju rai nga ai.

KOLOSE 3:3

Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.

MAHTE 8:8

Shaloi dai hpyen du wa gaw, “Madu e, nye nta de nang sa shang na gaw, ngai n ging n dan nngai, na a ga hkaw mi sha tsun dat rit, shaloi nye a shangun ma mai mat na ra ai.

SHAKAWN KUNGDAWN 44:4

Nang gaw nye a hkawhkam wa hte nye a Karai Kasang rai nga ndai; na a amyu masha ni hpe awng padang nang jaw ya nga ai rai nna,

ESAIA 30:29

Rai ti mung, Karai Kasang a amyu masha ni e, nanhte gaw chyoi pra ai lusha poi hpe shana e galaw ai zawn, kabu gara ai hte mahkawn mangoi lu na rai myit dai. Nanhte gaw Israela a lunghkrung ngu ai dai Madu a Htingnu de sumpyi dum let shanhte hkawm lung wa ai zawn kabu gara na rai myit dai.

SHAKAWN KUNGDAWN 77:6

Ngai shana tup sung sung myit sumru yu nna nga shalai kau nngai; ngai myit aru yu ai hte, ndai lam hpe nye hkum ngai san yu nngai;

SHAKAWN KUNGDAWN 57:3

Shi gaw sumsing lamu kaw nna htan ya ai hte ngai hpe hkye hkrang la na ra ai; ngai hpe dip gamyet sha ai ni hpe shi dang kau na ra ai. Karai Kasang gaw shi a dinggrin tsaw ra myit hte sadi sahka myit, ngai hpe madun dan na ra ai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

JAW JAU 25:21

Dai Madu chyawm gaw lamu ga hpe kru ning tup shaman ya na ra ai rai nna lahkawng ning a matu lusha alaw alam shapraw ya na rai wu ai.

2 SAMUELA 22:5

Si hkrung si htan a hka leng ni ngai hpe gawan tawn nna, jahten shabyak ai hka leng ni ngai hpe gamyet taleng bun nga ai.

SHAKAWN KUNGDAWN 88:8

Nang gaw nye a manang ni hpe ngai hpe kau da shangun nit dai; nang ngai hpe shanhte a man e, matsat shabat shatai kau nit dai. Ngai gaw la sharawng da ai hkrum nga nngai hte lawt lam hpe n mu lu ni ai;

SHAKAWN KUNGDAWN 124:4

shing rai, hka mawru gaw anhte hpe magawn mat wa nna dai hka anhte hpe kaput kau na ru ai,

YONA 2:4

Ngai gaw na a man kaw na shaden kau hkrum ni ai majaw na a chyoi pra ai Nawku Htingnu hpe galoi mung bai n mu lu na sai ngu ngai myit nawn kau nngai.