SHAKAWN KUNGDAWN 42:3 - Jinghpaw Common Language Bible 2009

³ Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

Jinghpaw Hanson Version Bible

³ “Na a Karai Kasang gaw kanang nga lit ta?” Nga nna tut tut a tsun nga ma ai majaw, Nye a myi prwi nye a shat shani shana tai nga li ai.

SHAKAWN KUNGDAWN 42:3 ပူးပေါင်းရင်းမြစ်များ

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

SHAKAWN KUNGDAWN 102:9

Na a pawt sindawng ai hte masin kahtet ai a majaw, wan dap ni gaw nye a malu masha rai nga ai; nye a luhpa ni mung nye a myi prwi ni hte kayau nga li ai. Nang ngai hpe magra sharawt la nna, tsan tsan de kabai kau nga nit dai.

SHAKAWN KUNGDAWN 115:2

“Nanhte a Karai Kasang kanang nga nga a ta?,” nga nna amyu baw ni anhte hpe hpa majaw san nga ma ni?

SHAKAWN KUNGDAWN 143:6

Nye a lata hpe nang kaw ladawn nna, akyu hpyi nga nngai; hkun hkraw nga ai lamu ga gaw hka hpe marit ai zawn, nye a wenyi mung, nang hpe gara nga nngai.

SHAKAWN KUNGDAWN 22:8

“Nang gaw Madu hpe kam hpa shamyet shanat nga ndai, nang hpe shi hpa majaw n hkye la na rai wu ni? Madu gaw nang hpe ra sharawng ai rai yang, shi nang hpe hpa majaw n karum ai nga na rai wu ni?,” nga nna shanhte tsun ma ai.

SHAKAWN KUNGDAWN 3:2

“Karai Kasang gaw shi hpe karum la na ra ai n rai,” nga nna, shanhte gaw nye a lam hpe tsun nga ma ai.

SHAKAWN KUNGDAWN 42:10

“Na a Karai Kasang kanang nga nga a ta?,” nga nna shanhte ngai hpe tut tut san nga ma ai majaw, shanhte a jahpoi asawng ai nni nkri hpe hkam sha nga nngai.

SHAKAWN KUNGDAWN 63:2

Chyoi pra ai shara hta nang hpe ngai mu lu n-ga, nang gaw kade wa n-gun chyalai rawng nga ai hte hpung shingkang rawng nga ai hpe mung ngai mu lu n-ga.

SHAKAWN KUNGDAWN 79:10

“Na a Karai Kasang kanang nga nga lit ta?,” nga nna amyu baw ni anhte hpe hpa rai dai zawn san shara nga shangun na rai ta? Na a shangun ma ni a asai jahkaw kau ya ai masha amyu baw ni hpe, nang ari jaw ai lam, anhte hpe mu mada shangun mi.

SHAKAWN KUNGDAWN 79:12

Madu e, maigan mungdan ni a n kaw n law re ai hte nang hpe kabai tawn nga ma ai majaw, shanhte hpe sanit lang ari bai htang jaw u.

SHAKAWN KUNGDAWN 80:5

Nang gaw anhte a yawn hkyen ai hpe lusha zawn jaw sha nna; myi prwi hpe gawm kaba hta jaw lu nga ndai.

SHAKAWN KUNGDAWN 84:3

Nye a hkawhkam hte nye a Karai Kasang Chyahtum Chyalai n-gun rawng ai Madu e, u tsa ni pyi, na a tawn hkungri ni a makau e, shanhte a tsip galaw nga ma ai, pilan ni mung shanhte a matu nta lu nga ma ai, shing rai, shanhte a u hkalung ni hpe dai shara ni hta tawn da nga ma ai.

PRU MAT 23:17

Nanhte hta na lasha ni yawng gaw shaning shagu galaw ai ndai poi masum hta dai Madu na a Karai Kasang rai nga ai Ngai hpe sa nawku lu na rai myit dai.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

TARA JAHPRANG 5:26

Wan kata kaw na shaga ai dai ahkrung nga ai Karai Kasang a nsen hpe na ai shinggyim masha kadai wa hkrung nga lu a ta?