SHAKAWN KUNGDAWN 42:2 - Jinghpaw Common Language Bible 2009

² Ahkrung nga ai Karai Kasang e, ngai nang hpe shagroi gara nga nngai; ngai gaw na a man e, galoi wa mi she, sa wa lu nna, nawku daw jau lu na rai nga a ta?

Jinghpaw Hanson Version Bible

² Nye a myit masin Karai Kasang hpe, Hkrung nga ai Karai Wa hpe, shagroi gara nga ai: Ngai Karai Kasang kaw, galoi wa me dawng pru lu na rai nga ai kun?

SHAKAWN KUNGDAWN 42:2 ပူးပေါင်းရင်းမြစ်များ

YOBA 23:3

Shi hpe tam la na shara ngai chye ai rai yang mung, shi nga ai shara de gara hku sa na lam hpe chye ai rai yang mung, ngai kade sha ra sharawng na rai nga n hka!

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

SHAKAWN KUNGDAWN 63:1

O Karai Kasang e, nang gaw nye a Karai Kasang rai nga ndai, ngai nang hpe marit nga nngai. Nye a hkum ting nang hpe ra marit nga nngai; hkun hkraw mat nna, akyu n jaw mai sai hte hka n rawng mat sai lamu ga zawn, nye a myit masin mung nang hpe shagroi gara nga li ai.

SHAKAWN KUNGDAWN 63:3

Na a dinggrin tsaw ra myit gaw dai asak hta grau nna mai kaja nga ai majaw, ngai nang hpe shakawn nga na nngai.

SHAKAWN KUNGDAWN 84:10

Na a Nawku Htingnu hta lani mi sha nga lu ai gaw kaga shara e, nhtoi hkying mi nga ai hta grau kaja nga ai; Ngai gaw tara n lang ai wa a nta ni hta nga lu ai gaw Karai Kasang a nta chyinghka hkinbawng hta e, tsap nga na hpe, grau nna tsaw nga nngai.

SHAKAWN KUNGDAWN 84:2

Dai shara hta ngai kade wa nga mayu nga a hka! Madu a Nawku Htingnu kata hta shanu nga lu na ngai marit nga nngai. Nye a hkum hkrang, myit masin mahkra hte hte, ahkrung nga ai Karai Kasang hpe ngai kabu gara mahkawn shakawn nga nngai.

SHAKAWN KUNGDAWN 84:4

Na a Nawku Htingnu kata hta nang hpe tut nawng mahkawn shakawn let; shanu nga ai ni gaw kade wa a nga ma hka!

SHAKAWN KUNGDAWN 84:7

Shanhte hkawm sa mat wa magang n-gun atsam grau nna jat la lu nga ma ai; Ziun Bum ntsa e, karai ni a Karai hpe shanhte wa mu lu na mara ai.

PRU MAT 23:17

Nanhte hta na lasha ni yawng gaw shaning shagu galaw ai ndai poi masum hta dai Madu na a Karai Kasang rai nga ai Ngai hpe sa nawku lu na rai myit dai.

ESAIA 26:8

Anhte gaw na a myit hkan ga ai hte nang hpe myit mada ga ai; nang gaw anhte ra sharawng ai lam yawng rai nga ndai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

YAWHAN 5:26

Kawa gaw shi hkum dai asak daju rai nga ai hte maren, shi gaw Kasha wa hpe mung asak daju shatai nu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

YAWSHU 3:10

Nanhte rawt lung wa myit yang, shi gaw Hkanani, Hiti, Hiwi, Perizi, Girgashi, Amori hte Yebusi masha ni hpe teng teng gawt shapraw kau na rai wu ai. Ahkrung nga ai Karai Kasang gaw nanhte hte rau rai nga ai hpe nanhte chye lu na rai myit dai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.