SHAKAWN KUNGDAWN 41:9 - Jinghpaw Common Language Bible 2009

⁹ Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

Jinghpaw Hanson Version Bible

⁹ Ngai manoi nga ai nye a muk sha ai jinghku wa nan, Shi a lahtin hte ngai hpe shingdit nngai.

SHAKAWN KUNGDAWN 41:9 ပူးပေါင်းရင်းမြစ်များ

2 SAMUELA 15:12

Absalom gaw Hkawhkam Dawi a hpaji jaw ni hta na langai rai nga ai Ahihtohpela mahtang Gilo mare e shagu hkungga ni hpe nawng jau nga yang, shaga la wu ai. Hkawhkam wa hpe gumlau maw mawn ai gaw n-gun ja wa nna Absalom a hpang hkan ai ni grau grau law jat wa ma ai.

YOBA 19:13

Karai Kasang gaw nye a dinghku hpe jahka kau shangun nu ai; Ngai gaw ngai hte chye sai ni hte tsasam zawn rai nga nngai;

YOBA 19:19

Ngai hte ni htum ai manang ni mung ngai hpe yu matsat ma ai; ngai tsaw ra ai ni mung ngai hpe hpyen tai masai.

SHAKAWN KUNGDAWN 101:3

n hkru n hkra ai lam hpe ngai galoi mung, hkam sharang na nngai n rai. Karai Kasang a man kaw nna myi man kayin mat wa ai ni a shamu shamawt ai lam ni hpe ngai n dawng nga nngai; ngai gaw shanhte hte hpa seng na nngai n rai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

OBEDIA 1:7

Na a jinghku mungdan ni nang hpe hkalem kau nga masai; shanhte gaw nang hpe na a mungdan kaw nna shaden kau nga masai. Nang hte sim sa lam galaw da ai ni ya gaw nang hpe majan dang kau manu ai. Nanhte lusha rau sha ai manang ni na a matu mahkam jahkrat da manu ai; shanhte gaw nang hpe, ‘Shi hta rawng ai myit let ai lam yawng gara de rai mat sai kun?,’ nga nna tsun ma ai.

MIHKA 7:5

Na a htingbu ni hpe hkum kam myit; na a manang wa hpe hkum kamhpa myit; na a madu jan shing n rai madu wa a man e pyi nang hpa tsun shaga na lam sadi maja nga u.

MAHTE 26:23

Yesu gaw, “Dai hka wan hta ngai hte rau, shi a muk tsing manaw sha nga ai wa gaw ngai hpe ap kau na ring ngai,

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.