SHAKAWN KUNGDAWN 41:2 - Jinghpaw Common Language Bible 2009

² Dai Madu gaw shanhte hpe makawp maga ai hte shanhte a asak hpe kyem mazing da ya na ra ai; shi gaw dai lamu ga hta shanhte hpe kabu gara shangun nna, shanhte a gumlau hpyen ni a lata hta shanhte hpe shi kau da na wu ai n rai.

Jinghpaw Hanson Version Bible

² Yehowa shi hpe bau sin shabran la na wu ai, Dai mungdan hta shi apyaw sha nga lu na ra ai: Gumlau ni ra ai hku shi hpe ap kau na wu ai n rai.

SHAKAWN KUNGDAWN 41:2 ပူးပေါင်းရင်းမြစ်များ

SHAKAWN KUNGDAWN 27:12

Masu magaw ga ni hte jahkrit shama ai lam ni hte, ngai hpe htim anut nga ai nye a gumlau hpyen ni a lata hta ngai hpe hkum kau da nga et.

SHAKAWN KUNGDAWN 33:19

Dai Madu gaw shanhte hpe si ai kaw na hkye hkrang la nga ai; shi gaw shanhte hpe hku hku hpang gara ai aten hta asak hkrung nga lu na ahkang jaw ya nga ai.

SHAKAWN KUNGDAWN 37:22

Madu kaw na shaman ai chyeju lu la ai ni gaw lamu ga hpe madu lu na mara ai; rai ti mung, shi kaw na dagam dala hkrum ai ni chyawm gaw gawt shapraw kau ai hkrum na mara ai.

GA SHAGAWP 11:17

Nang gaw matsan chye dum ai wa rai yang, nang nan matsan dum hkrum na lam lajang da nga ndai; nang lama, mazut ai wa rai yang chyawm gaw na hkum hpe chyu sha machyi shangun nga ndai.

GA SHAGAWP 14:21

A lu ai lam hpe nang ra marit yang, matsan mayan wa hpe, matsan dum u; kadai hpe rai tim, n kaw n law re ai lam gaw, yubak rai nga ai.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

GA SHAGAWP 31:20

Shi gaw matsan mayan ni hte ra kadawn ai ni hpe nhpaw n-ya jaw lu jaw sha kam nga ai.

YEREMIA 39:17

Rai ti mung, dai Madu ngai nan nang hpe makawp maga na nngai, nang gaw nang hkrit nga ai masha ni a lata de ap kau hkrum na ndai n rai.

TARA JAHPRANG 14:29

Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

RUHTA 2:19

Naomi gaw shi hpe, “Dai ni, nang ndai mam ni yawng hpe gara shara kaw na gut wa n ta? Kade a yi hta sa gut la n ta? Nang hpe myit lawm ai masha wa hpe Karai Kasang shaman ya u ga law!,” ngu nna tsun wu ai. Dai rai nna Ruhta gaw dai ni ngai sa gut la ai yi madu gaw Bua mying ai masha wa a yi na rai nga ai ngu, Naomi hpe tsun dan wu ai.