SHAKAWN KUNGDAWN 41:12 - Jinghpaw Common Language Bible 2009

¹² Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

Jinghpaw Hanson Version Bible

¹² Nye a myit malang ai hta nang ngai hpe shadaw ya nna, na a man e ngai hpe tut tut tawn da nga ndai.

SHAKAWN KUNGDAWN 41:12 ပူးပေါင်းရင်းမြစ်များ

YOBA 36:7

Shi gaw ding hpring ai ni hpe makawp maga nga ai; shi gaw shanhte hpe hkawhkam ni zawn up hkang lu na ahkang jaw wu ai hte htani htana shagrau sha-a ai hkrum shangun nga ai.

SHAKAWN KUNGDAWN 16:11

Nang gaw ngai hpe asak hkrung ai lam de woi sa ai lam madun dan na rai ndai; na hpung shingkang gaw ngai hpe kabu gara ai myit hte jahpring ya nna, sharawng awng ai lam htani htana jaw ya nga ai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 25:21

Nang hpe ngai kam hpa nga nngai majaw, nye a mai kaja ai hte myit malang ai gaw ngai hpe bau sin nga u ga.

SHAKAWN KUNGDAWN 30:2

O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

SHAKAWN KUNGDAWN 34:15

Dai Madu gaw ding hpring ai ni hpe mada mara nga nna; shanhte a hpyi jahtau ai nsen ni hpe madat ya nga ai.

SHAKAWN KUNGDAWN 37:17

hpa majaw nga yang, Madu gaw tara n lang ai wa a n-gun hpe shadaw kau ya na ra ai; rai ti mung, mai kaja ai ni hpe chyawm gaw shi makawp maga la na ra ai.

SHAKAWN KUNGDAWN 63:8

Ngai nang kaw hkan jum noi nga nngai; na a lata ngai hpe shim hkra makawp maga ya nga ai.

SHAKAWN KUNGDAWN 94:18

“Ngai kashawt taw nga nngai,” nga nna ngai tsun nngai; rai ti mung, Madu e, na a dinggrin tsaw ra myit hte ngai hpe pawn sharawt la nga ndai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.