SHAKAWN KUNGDAWN 41:10 - Jinghpaw Common Language Bible 2009

¹⁰ Madu e, ngai hpe matsan dum la nna, hkam kaja ai lam ngai hpe bai jaw bang ya e; shaloi, nye a gumlau hpyen ni hpe ngai tai lu na ring ngai.

Jinghpaw Hanson Version Bible

¹⁰ Yehowa e, ngai shanhte hpe tai lu mawe ga, Ngai hpe matsan dum nna, sharawt la e.

SHAKAWN KUNGDAWN 41:10 ပူးပေါင်းရင်းမြစ်များ

2 SAMUELA 15:12

Absalom gaw Hkawhkam Dawi a hpaji jaw ni hta na langai rai nga ai Ahihtohpela mahtang Gilo mare e shagu hkungga ni hpe nawng jau nga yang, shaga la wu ai. Hkawhkam wa hpe gumlau maw mawn ai gaw n-gun ja wa nna Absalom a hpang hkan ai ni grau grau law jat wa ma ai.

YOBA 19:19

Ngai hte ni htum ai manang ni mung ngai hpe yu matsat ma ai; ngai tsaw ra ai ni mung ngai hpe hpyen tai masai.

SHAKAWN KUNGDAWN 3:3

Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

SHAKAWN KUNGDAWN 55:13

Rai ti mung, dai zawn galaw ai gaw nye a manaw manang wa, nye a kanawn manang wa hte hkau chyap ai manang nan rai nga ai.

SHAKAWN KUNGDAWN 55:14

An shada da grai hku hkau ai hte shaga chyai lu saga ai sha n ga; Nawku Htingnu kata hta rau sha nawku daw jau yu saga ai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

OBEDIA 1:7

Na a jinghku mungdan ni nang hpe hkalem kau nga masai; shanhte gaw nang hpe na a mungdan kaw nna shaden kau nga masai. Nang hte sim sa lam galaw da ai ni ya gaw nang hpe majan dang kau manu ai. Nanhte lusha rau sha ai manang ni na a matu mahkam jahkrat da manu ai; shanhte gaw nang hpe, ‘Shi hta rawng ai myit let ai lam yawng gara de rai mat sai kun?,’ nga nna tsun ma ai.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.