SHAKAWN KUNGDAWN 41:1 - Jinghpaw Common Language Bible 2009

¹ Matsan mayan masha ni a matu, myit ru myit tsang ya nga ai ni gaw a nga ai; shanhte ru tsang hkrum nga ai shaloi, dai Madu gaw shanhte hpe karum la na ra ai.

Jinghpaw Hanson Version Bible

¹ Matsan mayan ni hpe dum ai wa gaw, a nga ai; Yehowa gaw dai wa hpe kyin dut ai nhtoi e shalawt dat na wu ai.

SHAKAWN KUNGDAWN 41:1 ပူးပေါင်းရင်းမြစ်များ

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

SHAKAWN KUNGDAWN 37:19

Yak hkak hkrum ai shaloi nni nkri hpe shanhte hkam sha na mara ai n rai; hku hku ai aten hta mung, shanhte gaw ra kadawn ai lam n nga hkra, hkam la lu na mara ai.

SHAKAWN KUNGDAWN 37:26

Shi gaw aten shagu, ndut ndang jaw ya ai hte kaga ni hpe hkoi ya nga ai; shi a kashu kasha ni mung chyeju kumhpa tai nga ma ai.

GA SHAGAWP 14:21

A lu ai lam hpe nang ra marit yang, matsan mayan wa hpe, matsan dum u; kadai hpe rai tim, n kaw n law re ai lam gaw, yubak rai nga ai.

GA SHAGAWP 16:14

Hpaji rawng ai masha wa gaw hkawhkam wa hpe kabu gara shangun na ra ai; hkawhkam wa pawt sindawng wa yang, marai langai ngai asak sum chye nga ai.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

YEREMIA 39:17

Rai ti mung, dai Madu ngai nan nang hpe makawp maga na nngai, nang gaw nang hkrit nga ai masha ni a lata de ap kau hkrum na ndai n rai.

MARKU 14:7

Matsan mayan ni gaw nanhte hte rau galoi mung anga nga na ma ai rai nna, nanhte ra ai aten galoi rai tim shanhte hpe karum la lu myit dai. Rai ti mung ngai gaw nanhte hte rau tut nawng nga nga lu na n rai.

KASA 20:35

Lam shagu hta nanhte hpe madun dan sai nye a len ningli hte maren nanhte mung amu galaw shaja nna hkam sha ai hta jaw ya ai mahtang grau a lu nga ai, nga nna Madu Yesu tsun ai ga ni hpe dum nga let, ra kadawn gawng kya nga ai ni hpe anhte karum madi shadaw lu na rai nga ai,” ngu na tsun mu ai.

GALATI 2:10

Shanhte gaw anhte hpe matsan mayan ni a ra ai lam hta karum la na matu n malap na hpe sha htet dat mi ai hte ndai lam gaw ngai grai shakut gun hpai mayu ai amu nan rai nga ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

RUHTA 2:19

Naomi gaw shi hpe, “Dai ni, nang ndai mam ni yawng hpe gara shara kaw na gut wa n ta? Kade a yi hta sa gut la n ta? Nang hpe myit lawm ai masha wa hpe Karai Kasang shaman ya u ga law!,” ngu nna tsun wu ai. Dai rai nna Ruhta gaw dai ni ngai sa gut la ai yi madu gaw Bua mying ai masha wa a yi na rai nga ai ngu, Naomi hpe tsun dan wu ai.