SHAKAWN KUNGDAWN 40:8 - Jinghpaw Common Language Bible 2009

⁸ Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

Jinghpaw Hanson Version Bible

⁸ Nye a Karai Kasang e, na a myit hkan nang na ngai ra nga nngai; Nye a kraw lawang hta na a tara rawng nga ai,” nga nna ngai tsun ni ai.

SHAKAWN KUNGDAWN 40:8 ပူးပေါင်းရင်းမြစ်များ

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 119:16

Na tara ni hta ngai kabu awng sharawng nga nngai; na a hkang da ai tara ni hpe ngai malap kau na nngai n rai.

SHAKAWN KUNGDAWN 119:24

Na a ga matsun ni ngai hpe myit shapyaw ya nna; dai gaw ngai hpe hpaji jaw, lam madun ai ni rai nga ai.

SHAKAWN KUNGDAWN 119:47

Hkang da ai tara ni hpe ngai tsaw ra nga nngai majaw, dai lam ni hpe madat mara hkan sa ai hta kabu awng sharawng ai lam hpe ngai mu tam nngai.

SHAKAWN KUNGDAWN 119:92

Lama wa, na a hkang da ai tara gaw nye a matu kabu gara ai npawt nhpang n rai taw gaw, nye a nni nkri hta ngai si mat wa na nngai.

GA SHAGAWP 3:1

Ngai nang hpe sharin shaga ai ga hpe hkum malap kau et; nang hkan galaw na matu, ngai matsun ai ga hpe mung, tut nawng adum nga u.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

2 KORINHTU 3:3

Dai laika hpe Hkristu shi nan ka nhtawm, anhte hte shagun dat ai gaw dan leng nga ai. Dai laika hpe tsi hte n ka ai sha hkrung nga ai Karai Kasang a wenyi hte, bai lungpa ni hta n re ai sha shinggyim masha ni a kraw lawang ni hta ka da nga ai.