SHAKAWN KUNGDAWN 40:6 - Jinghpaw Common Language Bible 2009

⁶ Nang gaw shagu hkungga ni hte wan nat hkungga ni hpe n sharawng nga ndai; tawn hkungri ntsa e, hkum ting nat nawng ai hkungga ni hte, yubak mara raw dat kau na matu nawng jau ai hkungga ni hpe, nang n hpyi nga ndai. Shing rai nawng jau ya na malai, nang tsun ai lam hpe na la na matu, nang gaw ngai hpe na lashing hpaw ya nit dai,

Jinghpaw Hanson Version Bible

⁶ Hkungga hte lusha kumhpa nang n ra nit dai; Nye a na lashing nang hpaw ya nit dai: Wan nat hkungga hte htingrai hkungga nang n hpyi ndai.

SHAKAWN KUNGDAWN 40:6 ပူးပေါင်းရင်းမြစ်များ

YOBA 33:16

Shi gaw shanhte hpe shi tsun ai ga madat shangun nga ai rai nna; shi a sadi shadum ai ga ni a majaw shanhte hkrit kajawng ma ai.

YOBA 5:9

Shi galaw ai galu kaba ai amu ni hte htum ngu n nga ai shi a mauhpa amu ni hpe anhte n chye lu nga ga ai.

SHAKAWN KUNGDAWN 139:17

Karai Kasang e, na a myit mang ai lam ni nye a matu kade wa yak la nga a hka; Dai ni gaw kade wa law la nga a hka!

SHAKAWN KUNGDAWN 139:18

Dai hte hpe hti yu na nga yang, shanhte gaw zaibru hta n ga law htam nga ma ai. Ngai yup hprang wa ai shaloi, nang hte rau ngai naw nga na nngai.

SHAKAWN KUNGDAWN 50:8

Na a shagu hkungga ni hte wan nat hkungga ni ngai hpe tut nawng jaw jau ai majaw, ngai nang hpe daru na nngai n rai.

SHAKAWN KUNGDAWN 51:16

Nang gaw shagu hkungga ni hpe n ra sharawng nga ndai, shing n rai yang, ngai sak jaw na de ai; nang gaw wan nat hkungga ni hpe mung n ra sharawng nga ndai.

SHAKAWN KUNGDAWN 71:15

Na a mai kaja ai lam hpe ngai htawn tsun na nngai; ngai chye na ai hta grau nna lachyum sung nga ai rai tim, na a hkye hkrang la ai lam hpe shani tup ngai tsun dan na nngai.

PRU MAT 21:6

shi a madu gaw shi hpe nawku ai shara de woi sa na rai wu ai. Dai yang na chyinghka shing n rai chyinghka shadaw hta shi hpe shatsap da nna, shi a na hpe shajut ya na rai wu ai. Dai hpang shi gaw shi a matu prat tup mayam tai nga na rai wu ai.

ESAIA 1:11

Shi gaw, “Nang nye a matu nawng jau nga dingyang rai nga ai dai shagu hkungga mahkra hte hpe ngai ra sharawng nga ai ngu, nang myit nawn da wu ni? Shagu hkungga ni zawn nang wan nat nawng ai sagu la ni hte sau hpum ai na a ra n rawng ai yam nga ni hta jan hkra ngai lu ni ai. Ngai gaw usu ni, sagu ni hte bainam ni a asai n ra nngai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

HOSEA 6:6

Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

MAHTE 12:7

‘Dusat hkungga jaw ai lam n rai, matsan dum ai lam hpe sha ngai ra nngai,’ nga nna Chyum laika hta ka da ai ga a lachyum hpe nanhte kaja wa chye mu taw gaw, mara n kap ai ni hpe nanhte mara shagun na myit dai n rai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.