SHAKAWN KUNGDAWN 40:3 - Jinghpaw Common Language Bible 2009

³ Shi gaw ngai hpe mahkawn ga nnan mahkawn shakawn na matu sharin ya ai, dai gaw anhte a Karai Kasang hpe shakawn ai mahkawn langai mi rai nga ai. Law law wa dai hpe mu nna hkrit maja let, Madu hpe shanhte kam hpa nga ma ai.

Jinghpaw Hanson Version Bible

³ Anhte a Karai Kasang hpe shakawn na nga, Shi nye a n-gup hta mahkawn ga nnan jaw da ni ai; Masha law law wa dai mu nna, hkrit hkungga ai hte, Yehowa hpe shamyet shanat na mara ai.

SHAKAWN KUNGDAWN 40:3 ပူးပေါင်းရင်းမြစ်များ

SHAKAWN KUNGDAWN 119:133

N hkru n shawp ai masha ni ngai hpe n ka-up kau lu mu ga; na a ga sadi nga ai hte maren, kadawng mat wa ai kaw na, ngai hpe shadaw la e.

SHAKAWN KUNGDAWN 142:7

Myit ru myit yak hkrum nga ai kaw nna ngai hpe shalawt la e; shaloi, na a mai kaja ai lam ni a majaw na a amyu masha ni a hpawng hta, nang hpe ngai shakawn kungdawn nga na nngai law.

SHAKAWN KUNGDAWN 144:9

Karai Kasang e, mahkawn ga nnan hte nang hpe ngai mahkawn mangoi na nngai; tingse dum let nang hpe ngai mahkawn mangoi na nngai.

SHAKAWN KUNGDAWN 27:5

Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

SHAKAWN KUNGDAWN 33:3

Mahkawn ga nnan hte shi hpe mahkawn mu, madat pyaw hkra tingse dum nna, kabu gara marawn jahtau nga mu!

SHAKAWN KUNGDAWN 35:27

Ngai hpe mara n kap ai wa ngu nna mu mada mayu ai ni gaw kabu gara nga ai; “Madu gaw kade galu kaba nga a hka! Shi gaw shi a shangun ma wa a awng dang ai lam hta sharawng awng nga ai,” nga nna shanhte kahtap kala jahtau tsun nga mu ga.

SHAKAWN KUNGDAWN 37:23

Dai Madu gaw masha wa hpe shi sa ang ai lam hta woi wa ai; shi hta sharawng awng ai ni hpe makawp maga ya nga ai.

SHAKAWN KUNGDAWN 52:6

Ding hpring ai masha ni dai lam hpe mu nna hkrit wa na mara ai; shaloi shanhte nang hpe mani ashu let, tsun ai gaw,

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

SHINGRAN 14:3

Dai masha 144,000 gaw, tingnyang man e mung, hkrung ai dusat mali hte salang ni a man e mung, tsap let mahkawn ga ningnan mahkawn mangoi nga ma ai. Ga ntsa na shinggyim masha amyu baw yawng hta na mari la hkrum sai masha 144,000 hta kaga, kadai mung dai mahkawn ga hpe n sharin la lu nga ai.