SHAKAWN KUNGDAWN 40:11 - Jinghpaw Common Language Bible 2009

¹¹ Madu e, ngai hpe matsan dum ai lam nang galoi mung jahkring kau na n rai nga ndai gaw, ngai chye nngai. Na a tsaw ra myit hte sadi sahka gaw ngai hpe tut nawng e, shim lum shangun na ra ai.

Jinghpaw Hanson Version Bible

¹¹ Nang mung, Yehowa e, na a n-gaw nwai myit hpe ngai hta na hkum shadang da et. Na a chyeju hte sadi sahka ngai hpe tut tut shadaw nga u ga.

SHAKAWN KUNGDAWN 40:11 ပူးပေါင်းရင်းမြစ်များ

SHAKAWN KUNGDAWN 23:6

Na a mai kaja ai lam hte tsaw ra myit gaw nye a asak prat tup hta ngai hte rau nga nga na ra ai gaw ngai chye nga nngai, na a nta gaw prat dingsa na nye a shanu shara tai na ra ai.

SHAKAWN KUNGDAWN 43:3

Na a nhtoi hte na a teng man ai lam hpe jaw dat rit, dai gaw ngai hpe woi lakawn mat wa nna; na a chyoi pra ai Ziun Bum hte nang shanu nga ai Nawku Htingnu de woi wa u ga.

SHAKAWN KUNGDAWN 57:3

Shi gaw sumsing lamu kaw nna htan ya ai hte ngai hpe hkye hkrang la na ra ai; ngai hpe dip gamyet sha ai ni hpe shi dang kau na ra ai. Karai Kasang gaw shi a dinggrin tsaw ra myit hte sadi sahka myit, ngai hpe madun dan na ra ai.

SHAKAWN KUNGDAWN 61:7

Karai Kasang e, na a man e, shi htani htana a up nga u ga: na a dinggrin tsaw ra myit hte sadi sahka ai myit gaw shi hpe makawp maga ya nga u.

SHAKAWN KUNGDAWN 69:13

Rai ti mung, nye a matu chyawm gaw, Madu e, ngai nang hta akyu hpyi nga na nngai; Karai Kasang e, nang ra sharawng ai aten hta ngai hpe htan ya e. Na a kaba la ai tsaw ra myit hte hkye hkrang la na nga nna nang tawn da ai ga sadi hte maren ngai hpe htan ya e law.

SHAKAWN KUNGDAWN 69:16

Madu e, na a dinggrin tsaw ra myit a mai kaja ai lam hta, ngai hpe htan ya e, na a kaba la ai matsan dum myit hte ngai hpe mada mara la rit.

SHAKAWN KUNGDAWN 85:10

Tsaw ra myit hte sadi sahka myit gaw rau dan pru wa nga ai; ding man ai hte ngwi pyaw sim sa ai lam mung, ahpum ginshum wa na mara ai.

SHAKAWN KUNGDAWN 89:2

Na a tsaw ra myit prat tup grin nga na ra ai hte na a sadi sahka mung; sumsing lamu zawn grin ngang nga ai hpe ngai chye nga nngai.

GA SHAGAWP 20:28

Hkawhkam wa gaw shi a up hkang ai lam hta, ding man ai, teng man ai hte rap ra ai tara ni hte up hkang nga dingsa gaw shi a hkawhkam aya hta agrin nga na ra ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.