SHAKAWN KUNGDAWN 40:10 - Jinghpaw Common Language Bible 2009

¹⁰ Dai hkye hkrang la ai shiga hpe ngai hkum nan ip da nga nngai n rai; ngai gaw na a sadi sahka hte karum la ai lam hpe tut nawng atsun ni ai; Na a amyu masha ni yawng a shawa hpawng hta, na a kangka ai lam hte dinggrin tsaw ra nga ai lam ni hpe ngai n tsun ai sha nga kau nngai n rai.

Jinghpaw Hanson Version Bible

¹⁰ Na a dinghpring ai hpe nye a kraw e ngai ip da we ai n rai: Na a sadi sahka hte hkye la ai lam ngai hkai dan ni ai. Dai shawa hpawng kaba hta, Na a chyeju hte sadi sahka hpe ngai n makoi da nga nngai.

SHAKAWN KUNGDAWN 40:10 ပူးပေါင်းရင်းမြစ်များ

SHAKAWN KUNGDAWN 22:26

Matsan mayan masha ni gaw shanhte ni ra ai made, sha lu na mara ai; Madu kaw du sa ai ni shi hpe shakawn na mara ai. Shanhte gaw htani htana ngamu ngamai nga mu ga law!

SHAKAWN KUNGDAWN 25:10

Shi a ga shaka hpe kyem da nna, shi a hkang da ai ga yawng hte hpe madat mara ai ni hpe, sadi sahka ai myit hte tsaw ra myit hte shi lam woi nga ai.

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

SHAKAWN KUNGDAWN 75:9

Rai ti mung, Yaku a Karai Kasang a lam hpe tsun nga ai hte shi hpe mahkawn shakawn na; ngai galoi mung jahkring kau na we ai n rai.

SHAKAWN KUNGDAWN 89:1

O Madu e, na a dinggrin tsaw ra myit a lam hpe ngai tut nawng e, mahkawn mangoi nga na nngai; na a sadi sahka hpe ngai htani htana htawn tsun nga na nngai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

EZEKELA 2:7

Shanhte madat ai rai tim, n madat ai rai tim, shanhte hpe htawn tsun na matu ngai nang hpe tsun ai lam hpa hpe rai tim, nang shanhte hpe tsun na rai ndai. Shanhte gaw gumlau ai ni rai nga ma ai hpe adum nga u.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

LUKA 3:6

Shaloi, masha amyu ni yawng gaw, Karai Kasang a hkye hkrang la ai lam mu lu na mara ai!’”

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

1 HTESALONI 1:8

Hpa majaw nga yang, nanhte kaw na dai Madu a lam mungga gaw, Makedoni mung hte Ahkaia mung ting hta kajai gumhkawng wa ai sha n ga, Karai Kasang hta nanhte kam sham nga ai makam masham shiga ni mung shara shagu hkan e chyam bra wa sai. Dai rai nna nanhte hpe hpa tsun shara n nga saga ai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.