SHAKAWN KUNGDAWN 4:5 - Jinghpaw Common Language Bible 2009

⁵ Madu hpe ra n rawng ai shagu hkungga ni hpe nawng jau nna; shi hta kam hpa nga mu.

Jinghpaw Hanson Version Bible

⁵ Dinghpring ai hkungga nawng jau nna, Yehowa hpe shamyet shanat nga mu.

SHAKAWN KUNGDAWN 4:5 ပူးပေါင်းရင်းမြစ်များ

2 SAMUELA 15:12

Absalom gaw Hkawhkam Dawi a hpaji jaw ni hta na langai rai nga ai Ahihtohpela mahtang Gilo mare e shagu hkungga ni hpe nawng jau nga yang, shaga la wu ai. Hkawhkam wa hpe gumlau maw mawn ai gaw n-gun ja wa nna Absalom a hpang hkan ai ni grau grau law jat wa ma ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 26:1

O Madu e, teng man ai lam hpe ngai galaw nna nang hta tsep kawp kam hpa nga nngai majaw ngai hpe mara n kap ai wa ngu nna htawn shana ya e.

SHAKAWN KUNGDAWN 37:3

Dai Madu hta kam hpa nga let mai kaja ai amu hpe galaw nga u; dai lamu ga hta shanu nga nna shim nga u.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 51:19

Dai shaloi, nang gaw ra n rawng ai shagu hkungga ni hte anhte a wan nat hkungga ni hta sharawng awng wa na rin dai; na a tawn hkungri ntsa e mung, usu ni hpe nawng jau wa na mara ai.

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

SHAKAWN KUNGDAWN 77:7

“Madu gaw anhte hpe tut nawng e, kabai kau sana nu ai kun? Shi anhte hpe galoi mung bai n ra sharawng mat na nu ai kun?

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

ESAIA 61:8

Dai Madu gaw, “Ngai gaw teng man rap ra ai tara hpe tsaw ra nngai, ngai gaw dip gamyet sha ai amu hte ru hka amu hpe n dawng nngai. Ngai gaw nye a amyu masha ni hpe kangka ai hte kumhpa shagrau na nngai. Shanhte hte htani htana ga shaka tawn da na nngai.

MALAHKI 1:8

Ngai hpe shagu hkungga nawng ya na nga, myi kyaw ai, shing n rai machyi ai shing n rai lagaw hten ai dusat langai nanhte la sa myit dai shaloi, dai gaw ra rawng ai lam hpa mung n nga ai ngu nanhte myit nawn da myit ni? Dai zawn re ai dusat, mungdu wa hpe jaw chyam yu mu! Shi nanhte hpe ra sharawng ai hte myi man tau ya na rai wu ni?

MAHTE 5:23

Dai rai nna, nang gaw dai hkungri ntsa e Karai Kasang hpe na a kumhpa sak nawng na matu la sa wa yang, na nhpu nnau wa nang hpe myit n pyaw mara shagun shara lama ma nga ai hpe dai shaloi jang nang dum lu wu yang gaw;

TARA JAHPRANG 33:19

Shan gaw maigan masha ni hpe bum de shaga la nhtawm; Dai yang e, jaw ai hkungga nawng jau na mara ai. Panglai na sut hpungnung hte hkin-gau mayan e Taw ai zaibru kata na sut nhprang ni hpe shaw la lu na ma ai.”

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.