SHAKAWN KUNGDAWN 4:4 - Jinghpaw Common Language Bible 2009

⁴ Hkrit gari ai hte yubak galaw ai lam hpe jahkring kau mu; nanhte a yupku ni a ntsa e, azim sha kaleng nga ai shaloi, dai lam hpe sung sung myit yu mu.

Jinghpaw Hanson Version Bible

⁴ Myit kahtet nga timung, yubak hkum galaw myit, Yup ku hta tinang dai dai myit sumru yu nna atsin sha nga mu. [Selah.]

SHAKAWN KUNGDAWN 4:4 ပူးပေါင်းရင်းမြစ်များ

YOBA 28:28

Karai Kasang gaw dai masha ni hpe, “Nanhte gaw hpaji rawng na matu dai Madu hpe hkrit hkungga lu na rai myit dai. Nanhte gaw chye na hkawn hkrang na matu n hkru ai kaw na kayin mat wa lu na rai myit dai,” ngu nna tsun wu ai.

SHAKAWN KUNGDAWN 119:161

Daru magam n-gun atsam rawng ai masha ni gaw ngai hpe n tara ai hku gasat nga ma ti mung; ngai gaw na a tara hpe hkungga nga nngai.

SHAKAWN KUNGDAWN 17:6

Karai Kasang e, nang ngai hpe htan ya ndai majaw, ngai nang hta akyu hpyi nga nngai. Dai majaw, ngai hpang de kayin wa nna, nye a ga ni hpe madat ya e.

SHAKAWN KUNGDAWN 2:11

Dai Madu hpe hkrit hkungga ai hte daw jau mu;

SHAKAWN KUNGDAWN 3:2

“Karai Kasang gaw shi hpe karum la na ra ai n rai,” nga nna, shanhte gaw nye a lam hpe tsun nga ma ai.

SHAKAWN KUNGDAWN 3:4

Karum la na matu, Madu hpe ngai shaga nngai; shi ngai hpe shi a chyoi pra ai Bum kaw nna htan ya nga ai.

SHAKAWN KUNGDAWN 33:8

Ginding aga yawng hte e, dai Madu hpe nawku mu! Mungkan ga na mashani yawng hte e, shi hpe shagrau sha-a mu!

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 63:6

Ngai yupku ntsa e kaleng nga ai shaloi nang hpe dum nga nngai; nang ngai hpe tut nawng karum la nga nit dai majaw

SHAKAWN KUNGDAWN 77:6

Ngai shana tup sung sung myit sumru yu nna nga shalai kau nngai; ngai myit aru yu ai hte, ndai lam hpe nye hkum ngai san yu nngai;

GA SHAGAWP 16:17

Mai kaja ai hku hkawm sa ai ni gaw n hkru n kaja ai hpe koi kau ai lam hta hkawm nga ai; dai majaw, nang hkawm sa wa nga ai lam hta maja nga u; shaloi, na a asak hpe hkye la lu na nhten!

GA SHAGAWP 16:6

Sadi dung nna kangka rai nga u, shing rai yang Karai Kasang gaw na a yubak hpe raw dat kau ya na ra ai. Dai Madu a ga madat u, shaloi n hkru ai lam hpa mung nang hta byin hkrum hkra wa na n rai.

GA SHAGAWP 3:7

Nang chye ai madang hta jan nna, hpaji hkum rawng dum et; dai Madu hpe temsi rai nna madat mara nga let, shut hpyit ai amu galaw na matu, ningdang kau u.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

2 KORINHTU 13:5

Nanhte gaw dai makam masham hta asak hkrung nga ai ni rai n rai mu chye lu na matu tinang hkum hpe san jep nna jeyang yu nga mu. Nanhte tsep kawp sum hkrum ai ni n rai myit yang gaw, Hkristu Yesu nanhte hta nga nga ai lam hpe nanhte teng sha chye lu na myit dai.

EHPESU 4:26

Nanhte masin pawt yang dai pawt ai myit hpe yubak hkum galaw shangun myit; jan du hkra mung hkum pawt nga myit.