SHAKAWN KUNGDAWN 4:3 - Jinghpaw Common Language Bible 2009

³ Madu gaw ding hpring ai masha ni hpe shi a matu lata san da nu ai hpe dum mu; ngai shi hpe shaga ai shaloi, shi ngai hpe madat ya nga ai.

Jinghpaw Hanson Version Bible

³ Yehowa gaw myit ding ai masha hpe shi a matu san da nu ai, chye mu. Yehowa hpe shaga yang, shi ngai hpe madat ya na nngai.

SHAKAWN KUNGDAWN 4:3 ပူးပေါင်းရင်းမြစ်များ

SHAKAWN KUNGDAWN 31:23

Shi a kangka ai amyu masha ni yawng hte e, dai Madu hpe tsaw ra nga mu. Dai Madu gaw kangka ai ni hpe makawp maga nga ti mung, gumrawng gumtawng ai ni hpe chyawm gaw shanhte hkam la ging ai hte maren ari jaw ya nga ai.

SHAKAWN KUNGDAWN 34:15

Dai Madu gaw ding hpring ai ni hpe mada mara nga nna; shanhte a hpyi jahtau ai nsen ni hpe madat ya nga ai.

SHAKAWN KUNGDAWN 49:3

Nye a myit sawn ai lam ni gaw asan sha rai na ra ai; ngai gaw hpaji ga ni hpe tsun na nngai.

SHAKAWN KUNGDAWN 50:5

“Hkungga nawng jau let, ngai hte ga shaka tawn da ai ni, nye a kangka ai amyu masha ni hpe ngai hpang de woi hpawng mu,” nga nna shi tsun ai.

SHAKAWN KUNGDAWN 56:9

Ngai nang hpe shaga ai shani e, nye a gumlau hpyen ni htingnut mat wa ai hkrum na mara ai; Karai Kasang gaw nye a maga de nga nga ai hpe ngai chye nga nngai.

SHAKAWN KUNGDAWN 6:8

N hkru ai masha nanhte e, ngai kaw nna pru mat wa mu! Dai Madu gaw nye a hkrap ngu hkrap ngoi ai nsen hpe na ya nga ai;

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.