SHAKAWN KUNGDAWN 4:2 - Jinghpaw Common Language Bible 2009

² Amyu masha ni ngai hpe galoi du hkra n kaw n law di na myit ni? Akyu n rawng ai lam hpe nanhte tsaw ra nga nna, shut hpyit ai lam de galoi du hkra hkan nang na ngu myit ni?

Jinghpaw Hanson Version Bible

² Kaman lila tsaw nna, masu ai lam tam nga ai masha kasha ni e, Gaten du hkra nye a arawng sadang hpe shanut nga na myit dai kun? [Selah.]

SHAKAWN KUNGDAWN 4:2 ပူးပေါင်းရင်းမြစ်များ

SHAKAWN KUNGDAWN 106:20

Shanhte gaw Karai Kasang a hpung shingkang hpe tsingdu sha ai dusat a sumla hte galai kau mu ai.

SHAKAWN KUNGDAWN 14:6

N hkru n shawp ai amu galaw ai ni gaw myit shagrit shanem ai masha wa a yaw shada ai lam hpe jahten ya ti mung, Madu gaw shi hpe makawp maga da ai wa rai nga ai.

SHAKAWN KUNGDAWN 2:1

Masha amyu ni hpa majaw gumlau ai amu maw mawn ma ta? Amyu masha ni shanhte a akyu n pru ai mayun amu ni hpe hpa majaw galaw mayu nga ma ta?

SHAKAWN KUNGDAWN 3:3

Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

SHAKAWN KUNGDAWN 31:6

N teng n man ai karai ni hpe nawku ai ni hpe nang n dawng nga ndai; rai ti mung, ngai gaw nang hpe kam hpa nngai.

SHAKAWN KUNGDAWN 5:6

Masu magaw ga tsun ai ni yawng hte hpe nang jahten kau ndai; kashun kashe hte hkalem hkalau chye ai ni hpe nang matsat nga ndai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

SHAKAWN KUNGDAWN 58:1

Du salang ni e, nanhte gaw kaja wa teng man ai daw dan lam hpe jaw ya nga myit ni? Masha nlang hte hpe rap ra ai tara hku nna tara jeyang ya nga myit ni?

SHAKAWN KUNGDAWN 58:3

N tara ai masha ni gaw shanhte a asak hkrun lam yawng hta shut hpyit ai hku hkawm sa nga ma ai; shanhte gaw shangai wa ai shani kaw nna masu magaw ai ga ni hpe tsun nga ma ai.

SHAKAWN KUNGDAWN 63:11

Shi hpe Karai Kasang awng padang jaw ya ai majaw, hkawhkam wa kabu gara na ra ai. Karai Kasang a mying nsang hta ga shaka tawn da ai ni gaw shi hpe shakawn lu na mara ai: rai ti mung, masu magaw ga tsun ai ni a n-gup ni chyawm gaw pat kau ai hkrum na mara ai.

SHAKAWN KUNGDAWN 72:2

shing rai yang, shi gaw na a amyu masha ni hpe teng man ai lam hte up hkang lu na ra ai, dip gamyet sha hkrum nga ai ni hpe ding man ai lam hte up hkang lu na ra ai.

PRU MAT 10:3

Dai rai nna Mawshe yan Arun gaw hkawhkam wa kaw shang nna shi hpe, “Hebre masha ni a Madu Karai Kasang mahtang, ‘Nang gaw galoi aten du hkra nye a ga n madat na ngu nga n ta? Nye a amyu masha ni hpe sa wa shangun u, shaloi shanhte ngai hpe nawku lu na rai ma ai.

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

HPAJI NINGLI 8:11

Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

ESAIA 20:5

Ehtiopi mung hpe kam hpa ai ni hte Egutu mung hte seng nna shakawng gumrawng ai ni gaw mak mat na mara ai, shanhte a myit mada ai lam ni mung gamang mat na mara ai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

YEREMIA 2:5

Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

HOSEA 4:7

“Nanhte hkinjawng ni grau law htam wa magang, nanhte ngai hpe yubak galaw shut magang rai nga myit dai, dai rai nna ngai gaw nanhte a shagrau sha-a lam hpe jahpoi asawng hkrum ai de kayin kau dat ya na nngai.

YONA 2:8

Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

BU HKAWM 14:11

Dai Madu gaw Mawshe hpe, “Ndai amyu masha ni galoi aten du hkra ngai hpe n hkap la na rai ma ta? Shanhte hpe ngai galaw dan sai mauhpa lamik kumla law law hpe mu nga ninglen ngai hpe kam sham na matu galoi aten du hkra shanhte ningdang nga na rai ma ta?

KASA 24:9

Yuda masha ni mung, dai ga ni gaw teng nga ai, nga nna jawm mara shagun lawm ma ai.

1 KORINHTU 1:31

Dai re ai majaw, Chyum laika hta tsun ai hte maren, “Kadai rai ti mung, gumrawng gumtawng mayu ai wa gaw, Karai Kasang galaw ai amu bungli a matu sha gumrawng gumtawng nga u ga.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.