SHAKAWN KUNGDAWN 4:1 - Jinghpaw Common Language Bible 2009

¹ Ngai hpe makawp maga ya ai Karai Kasang e! ngai akyu hpyi yang, htan ya e! Ngai ru tsang hkrum ai shaloi, nang ngai hpe karum la nit dai. Ngai hpe ya jang matsan dum ai hte nye a akyu hpyi ai ga hpe na ya e law.

Jinghpaw Hanson Version Bible

¹ Ngai hpe dinghpring shangun ai Karai Kasang e, ngai shaga yang htan ya e. Gyip ai shara e, nye a matu dam lada nang di ya ndai. Ngai hpe matsan dum nna, ngai hpyi ai ga madat ya e law.

SHAKAWN KUNGDAWN 4:1 ပူးပေါင်းရင်းမြစ်များ

YOBA 36:16

Karai Kasang gaw nang hpe ru yak tsin-yam tsindam kata kaw na shaw la let nang hpe shim lum ai hte kabu gara shangun nga ai; na a sha ku gaw malu masha hte sumpum nga ai.

SHAKAWN KUNGDAWN 11:7

Dai Madu gaw ding hpring nga ai rai nna mai kaja ai magam amu ni hpe tsaw ra nga ai; dai hpe hkan galaw ai ni gaw shi a man e shanu nga lu na mara ai.

SHAKAWN KUNGDAWN 116:16

Madu e, ngai gaw na a shangun ma wa rai nga nngai; nye nu galaw daw ai zawn ngai nang hpe daw jau nga na nngai. Nang ngai hpe si ai kaw na hkye hkrang la nit dai.

SHAKAWN KUNGDAWN 116:6

Dai Madu gaw matsan mayan hkrum ai masha ni hpe makawp maga ya nga ai; ngai hkrit tsang hpa hkrum ai shaloi, shi ngai hpe hkye hkrang la sai.

SHAKAWN KUNGDAWN 119:132

Nang hpe tsaw ra nga ai ni yawng hte a ntsa e, nang galaw ai zawn, ngai hpang de kayin wa nna ngai hpe matsan dum la e.

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

SHAKAWN KUNGDAWN 17:6

Karai Kasang e, nang ngai hpe htan ya ndai majaw, ngai nang hta akyu hpyi nga nngai. Dai majaw, ngai hpang de kayin wa nna, nye a ga ni hpe madat ya e.

SHAKAWN KUNGDAWN 22:1

Nye a Karai Kasang e, nye a Karai Kasang e, nang hpa rai ngai hpe kau da nga n ta? Karum la na matu, myit chyum myit htum hte ngai hpyi jahtau ni ai, rai ti mung, ya du hkra, dai lam n du nga ai.

SHAKAWN KUNGDAWN 24:5

Dai Madu shanhte hpe shaman ya nna, shanhte hpe hkye hkrang la na ra ai; Karai Kasang gaw shanhte hpe mara n kap ai ni ngu nna tsun na ra ai.

SHAKAWN KUNGDAWN 25:16

Madu e, ngai gaw garen gari hkrum nga nngai hte n-gun kya nga nngai majaw; ngai hpe mada mara ya nna, matsan dum la e law.

SHAKAWN KUNGDAWN 31:8

Nye gumlau hpyen ni ngai hpe rim la na, nang ap ya nga ndai n rai; ngai sa mayu ai shara de ndut ndang hkawm sa lu na lam, nang lajang ya nga ndai.

SHAKAWN KUNGDAWN 41:12

Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

SHAKAWN KUNGDAWN 42:1

Shan nga gaw hka shi a katsi ai hka hpe marit nga ai zawn; Karai Kasang e, ngai mung nang hpe marit nga nngai.

SHAKAWN KUNGDAWN 45:1

Hkawhkam wa a matu, ndai mahkawn hpe ngai jahtuk ai majaw; nye a myit masin hta tsawm htap ai ga ni hte hpring nga li ai. Kungkyang ai laika ka shara wa lang ai pen zawn, nye a shinglet gaw ga shagawp tsun na jin jin rai nga nngai.

SHAKAWN KUNGDAWN 56:1

Karai Kasang e, ngai gaw gasat gala ai hkrum nga nngai, nye a gumlau hpyen ni ngai hpe aten shagu zingri zingrat nga ma ai majaw, ngai hpe matsan dum la e law.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 6:1

Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

SHAKAWN KUNGDAWN 67:1

Karai Kasang e, anhte hpe matsan dum nna shaman ya mi; anhte hpe na a matsan dum lama ai myit hte mada mara nga u. Shing rai, mungkan ting gaw na a ra sharawng ai myit hpe chye wa lu mu ga; amyu baw ni yawng hte mung, na a hkye hkrang la ai lam hpe chye na lu mu ga.

SHAKAWN KUNGDAWN 76:1

Yuda mung hta e, Karai Kasang hpe chye ma ai, shi a mying nsang hpe Israela mung hta e, shagrau sha-a nga ma ai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

HABAKU 3:19

Tsaw Htum ai dai Madu gaw ngai hpe n-gun jaw nga ai. Shi gaw ngai hpe shannga lagaw zawn shangang ya nna, ngai hpe bum ntsa hkan e shim nga shangun nga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

2 KORINHTU 1:10

Shi gaw shing san ai hkrithpa si lam hta na anhte hpe mawai la mani ai rai nna, bai mung naw mawai la na mi ai. Nanhte mung nanhte a akyu hpyi ai hku nna anhte hpe karum nga myit dai majaw, naw hkye la na ra ai ngu nna anhte shi hpe naw myit mada ala nga ga ai.

2 KORINHTU 1:8

Hpu nau ni e, Asi mung e anhte hkrum sagaw ai tsin-yam tsindam a lam nanhte hpe bai shadum mayu ga ai. Anhte a ntsa e dip gamyet ai nni nkri ngu ai lit ni gaw kaba la ai hte li la ai majaw, anhte gaw asak hkrung na matu pyi n myit mada mat hkra rai saga ai.

1 SAMUELA 17:37

Dai Madu gaw ngai hpe hkanghkyi ni hte tsap ni a lata kaw na mung hkye la ni ai; ya ndai Hpilisti masha wa a lata kaw na mung ngai hpe hkye la na ra ai,” ngu nna tsun wu ai. Shaloi Shawlu gaw, “Mai sa, dai rai yang gaw sa su, Dai Madu gaw nang hte rau a nga nga u ga law,” ngu nna htan wu ai.