SHAKAWN KUNGDAWN 39:5 - Jinghpaw Common Language Bible 2009

⁵ Nang jaw ya ai nye a asak gaw kade wa kadun nga a hka! Na a man e, nye a asak prat gaw hpa n rai nga ai zawn rai nga ai. Kaja wa ahkrung nga ai masha hkum shagu gaw nsa sa lai nbung hte,

Jinghpaw Hanson Version Bible

⁵ Nye a nhtoi lahpa mi daram nang tawn da ya nit dai; Nye a aprat na a man e hpa mung n rai nga ai: Gaja wa, masha gade reng nga rai timung, Shi kaman lila sha naw rai nga ai. [Selah.]

SHAKAWN KUNGDAWN 39:5 ပူးပေါင်းရင်းမြစ်များ

SHAKAWN KUNGDAWN 144:4

Shinggyim masha gaw nsa sa lai nbung hte bung nga ai, shi a nhtoi ni lai mat wa ai shingna zawn rai nga ai.

SHAKAWN KUNGDAWN 89:47

Nye a asak kade daram kadun nga ai hpe dum nga u; si mat chye ai anhte yawng hte hpe nang hpan da nga ndai hpe mung dum u.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

HPAJI NINGLI 2:11

Dai hpang, ngai galaw da lu sai amu yawng hte seng ai lam hte dai amu hpe ngai kade ayak ahkak hte galaw da sai hpe mung, ngai myit sawn yu nngai, dai mung hpa lachyum n pru nga ai hpe ngai myit dum nngai. Dai gaw nbung hpe shachyut ai zawn rai nna hpa akyu mi n pru nga ai.

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.

SHAKAWN KUNGDAWN 39:11

Na a daru sharin ai lam ni hte, masha a yubak hpe nang ari jaw nga ndai; dai wa tsaw ra ai arai hpe manut e, jahten kau ai zawn nang jahten kau nga ndai. Kaja wa, masha langai mi gaw nsa sa lai nbung langai mi hta grau nga ai n rai!

YOBA 7:6

Nye a nhtoi ni gaw da danghkyam hta grau lawan ai rai nna, myit mada shara n nga ai sha lai mat wa nga ai.

ESAIA 40:17

Masha amyu baw ni gaw shi a matu kaman be be rai ma ai.

HPAJI NINGLI 1:2

Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai.

NINGPAWT NINGHPANG 47:9

Yaku gaw, “Bu htawt hkawm ai nye a prat gaw latsa e sumshi ning tup na mat sali ai; dai shaning ni gaw nye a kaji kawa ni a shaning galu bu hkawm ai zawn n re ai sha, kadun ai hte yak la nga li ai,” ngu nna tsun dan wu ai.

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.

2 SAMUELA 19:34

Rai ti mung Barazilai mahtang, “Ngai gaw shaning na na asak hkrung nga lu na n rai ni ai. Shing re ai mi, madu hkawhkam hte rau Yerusalem mare de hpa lam a majaw hkan wa ang na rai ta?

SHAKAWN KUNGDAWN 90:12

Anhte hpaji chye wa na matu anhte a asak prat kade daram kadun nga ai lam anhte hpe sharin ya mi.