SHAKAWN KUNGDAWN 39:1 - Jinghpaw Common Language Bible 2009

¹ “Ngai galaw ai amu hta sadi sahka hte nga na ring ngai; nye a shinglet hte ngai yubak n galaw shangun na nngai. N hkru ai masha ni, ni nga yang, ngai hpa mung tsun dan na nngai n rai,” nga nna ngai tsun ni ai.

Jinghpaw Hanson Version Bible

¹ “Nye a shinglet hte ngai n shut nga n ga, Nye a lam ngai sadi nga na nngai; Tara n lang ai wa nye a man e naw nga nga yang, Nye a n-gup ngai hkang da na we ai,” nga nna ngai tsun nga nngai.

SHAKAWN KUNGDAWN 39:1 ပူးပေါင်းရင်းမြစ်များ

1 HKAWHKAM 2:4

Shi a ga hpe nang madat mara ndai rai yang, nye a amyu matu ni shi a hkang da ai ga ni hpe sadi sahka let shanhte a myit kraw lawang mahkra hte myit masin mahkra hte sadi let madat mara nga dingsa Israela mung hpe up hkang lu na rai nga ai, nga nna shi ngai hpe tsun da sai ga sadi hpe dai Madu shatup na rai wu ai.

2 HKAWHKAM 10:31

Rai ti mung Yehu gaw dai Madu Israela a Karai Kasang a Tara hpe shi a myit masin mahkra hte madat mara nga ai n rai; shing rai na malai, Israela masha ni hpe yubak lam de woi sa ai Yeroboam a arawn alai kasi hta hkan dagraw nang nga wu ai.

1 HKAWHKAM LABAU 16:41

Dai Madu a tsaw ra myit htani htana agrin nga ai majaw shi hpe mahkawn mangoi let shakawn kungdawn na matu Heman mung, Yeduhtun hte laksan lata da hkrum ai ni mung shanhte hte rau rai ma ai.

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

SHAKAWN KUNGDAWN 119:9

Shabrang wa gaw shi a asak hkrun lam hpe san seng nga u ga, kaning rai shadik lu na rai nga a ta? Dai gaw na a hkang da ai tara ni hpe madat mara hkan sa ai hte sha shadik lu nga ai.

SHAKAWN KUNGDAWN 141:3

Madu e, nye a n-gup hta mung, nye a nten chyinghka hta mung, sin langa ni hpe tawn da ya e.

SHAKAWN KUNGDAWN 34:13

Dai hpang, n hkru ai ga tsun shaga ai hte masu magaw ga tsun ai lam hpe koi gam nga u.

SHAKAWN KUNGDAWN 62:1

Karai Kasang ngai hpe hkye hkrang la na matu, ngai amu sha hte ala nga nngai; Ngai gaw shi hpe chyu sha kam hpa manoi nga nngai.

SHAKAWN KUNGDAWN 77:1

Ngai gaw Karai Kasang hpe ja ja jahtau nngai; ngai ja ja jahtau ai majaw, shi na ya nga ai.

GA SHAGAWP 18:21

Nang tsun shaga ai ga gaw asak hpe bau maka lu nga ai; shing n rai, dai hpe jahten sharun kau lu nga ai. Dai majaw, na a n-gup aga a majaw pru wa ai mabyin lam ni hpe hkap la ra nga ndai.

GA SHAGAWP 21:23

Ru yak shoihpa kata kaw nna nang lawt mayu ai rai yang, nang tsun shaga ai ga hpe sadi maja nga u.

AMO LAIKA (AMOS) 5:13

Dai rai nna, ndai zawn n hkru ai aten ni hta azim sha nga ai gaw kaja ai amu rai nga a hka!

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.