SHAKAWN KUNGDAWN 38:12 - Jinghpaw Common Language Bible 2009

¹² Ngai hpe sat mayu ai ni, nye a matu mahkam hkam da nga nna, ngai hpe machyi shangun mayu ai ni mung ngai hpe jahten shabyak lu na matu jahkrit shama nga ma ai; shanhte gaw ngai hpe n sim n sa n kaja ai lam maw mawn nga ma ai.

Jinghpaw Hanson Version Bible

¹² Nye a myit masin hpe tam ai ni, mahkam hkam nna, Ngai hpe n kaja ai maw ai ni, hkalem ai ga tsun nga ma ai: Shani tup myit magaw ai lam a daw nga ma ai.

SHAKAWN KUNGDAWN 38:12 ပူးပေါင်းရင်းမြစ်များ

YOBA 19:13

Karai Kasang gaw nye a dinghku hpe jahka kau shangun nu ai; Ngai gaw ngai hte chye sai ni hte tsasam zawn rai nga nngai;

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 119:110

Tara n lang ai masha ni nye a matu mahkam hkam da nga ma ti mung, na a hkang da ai tara ni hpe ngai madat mara hkan sa nga nngai.

SHAKAWN KUNGDAWN 140:5

Gumrawng gumtawng ai masha ni nye a matu mahkam hkam da nga masai; shanhte ngai hpe rim la na matu, lam e sumgawn nep da nna, mahkam galaw da nga masai.

SHAKAWN KUNGDAWN 141:9

Nye a matu, shanhte hkam da ai mahkam kaw na mung, n hkru ai amu galaw ai ni a mahkam kaw na mung, ngai hpe makawp maga la e.

SHAKAWN KUNGDAWN 31:12

Ngai hpe si mat sai wa zawn, kadai mung malap kau masai; kabai kau ai shanut shanaw hte maren rai mat ni ai.

SHAKAWN KUNGDAWN 35:20

Shanhte gaw hku hku hkau hkau rai n shaga ma ai; shing rai tsun na malai, shanhte gaw ngwi pyaw sim sa lam tam ai ni hpe, masu magaw lam amyu myu hte shatan nhkan di ma ai.

SHAKAWN KUNGDAWN 35:4

Ngai hpe sat na matu shakut ai ni gaw sum mat nna jahpoi jahpyak kau ai hkrum nga mu ga! Ngai hpe ninghkap na maw mawn ai ni mung shingdu de nhtang kau dat nna shanut kau ai hkrum mu ga!

SHAKAWN KUNGDAWN 41:5

Nye a gumlau hpyen ni gaw nye a lam hpe matse ai hku tsun nga ma ai; shanhte gaw ngai si nna, masha ni ngai hpe malap kau na matu, ra sharawng nga ma ai.

SHAKAWN KUNGDAWN 54:3

Gumrawng gumtawng ai ni ngai hpe gasat na matu sa wa nga ma ai; Karai Kasang hpe hpa zawn n nawn nga ai masha mazut ni mung, ngai hpe sat na matu shakut nga ma ai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

SHAKAWN KUNGDAWN 88:9

nni nkri hkam sha ai majaw, nye a myi ni amam nga li ai. Madu e, ngai nang hpe shani shagu shaga nga nngai hte; nye a lata ni hpe sharawt nna, nang kaw akyu hpyi nga nngai.

GA SHAGAWP 19:7

Matsan mayan re ai masha wa a kahpu kanau ni pyi, shi hpe n ra sharawng ma ai; shi hta manaw manang n lu ai gaw mauhpa n rai. Shi gade wa shakut shaja nna hkan tam tim, kadai hpe mung n lu hku la nga ai.