SHAKAWN KUNGDAWN 32:8 - Jinghpaw Common Language Bible 2009

⁸ Dai Madu gaw, “Nang hkawm sa ang ai lam ngai nang hpe sharin ya na nngai, ngai nang hpe hpaji jaw nna sharin matsun na nngai.

Jinghpaw Hanson Version Bible

⁸ Ngai nang hpe sharin ya nna, nang sa wa na lam madun ya na nngai, Nang hpe mada let hpaji daw ya na nngai.

SHAKAWN KUNGDAWN 32:8 ပူးပေါင်းရင်းမြစ်များ

NINGPAWT NINGHPANG 24:48

Ngai mung hput di nna dai Madu hpe nawku nngai. Nye a madu a shadang sha a matu dai shayi sha hpe ngai sa mu ai shara ngu ai nye madu a amyu bawsang hpang de ading sha woi sa wa ai nye madu Abraham a Karai Kasang dai Madu hpe shakawn kungdawn nngai.

2 SAMUELA 22:33

Ndai Karai Kasang gaw nye a ngang ai shingbyi shara rai nga ai; shi gaw nye a hkrun lam hpe shim lum hkra lakawn ya nga ai.

1 HKAWHKAM 8:36

shanhte a hpyi nem ai ga hpe sumsing lamu hta madat mara ya u. Hkawhkam wa hte Israela amyu masha ni a shut kau ai yubak mara ni hpe mara dat ya u. Jaw ai amu hpe galaw na shanhte hpe sharin ya u law. O Madu e, na a amyu masha ni hpe nang jaw da ai htani htana sali ga ngu ai ndai na a lamu ga ntsa e marang jahtu ya mi law.

SHAKAWN KUNGDAWN 143:8

Nang hpe ngai kam hpa nga nngai majaw, jahpawt manap shagu hta, na a dinggrin tsaw ra myit ngai hpe a shadum ya nga rit. Nye a akyu hpyi ai ga gaw nang kaw hkrang lung wa nna, ngai hkawm sa wa ang ai lam, ngai hpe madun ya e.

SHAKAWN KUNGDAWN 25:12

Madu hpe madat mara ai ni gaw shanhte hkan sa ra ai lam ni hpe shi kaw nna sharin la na mara ai.

SHAKAWN KUNGDAWN 33:18

Dai Madu gaw shi hpe hkrit hkungga ai ni hte shi a dinggrin tsaw ra myit hpe kam hpa nga ai ni hpe, sin yu nga ai.

SHAKAWN KUNGDAWN 34:11

Nye a rau ram manang ni e, wa marit nye a ga hpe madat mu; dai Madu hpe shagrau sha-a na lam ngai nanhte hpe sharin ya na nngai.

GA SHAGAWP 3:1

Ngai nang hpe sharin shaga ai ga hpe hkum malap kau et; nang hkan galaw na matu, ngai matsun ai ga hpe mung, tut nawng adum nga u.

ESAIA 48:17

Nang hpe hkye la ai dai Madu Israela a chyoi pra ai Karai Kasang gaw ning nga tsun ai: “Ngai gaw na a mai kaja lam a matu nang hpe sharin achyin ya mayu ai wa hte nang hkawm sa mai ang ai lam hta nang hpe lakawn la ai wa dai Madu na a Karai Kasang rai nga nngai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

BU HKAWM 9:22

Bai lahkawng ya, shata mi, laning mi shing n rai dai hta grau na hkra dai sumwi Sum ntsa e dung nga dingsa shanhte bu n hkawm ma ti mung dai sumwi dawm mat jang shanhte hkawm ma ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.