SHAKAWN KUNGDAWN 32:5 - Jinghpaw Common Language Bible 2009

⁵ Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

Jinghpaw Hanson Version Bible

⁵ Shaloi ngai gaw nye a yubak nang hpe madun dan nna, Nye a mara hpe makoi da nngai n rai: “Ngai shut hpyit ai lam Yehowa hpe ngai nem kau na,” ngai a tsun nga nna, Nang gaw nye a yubak mara hpe raw kau ya nit dai. [Selah.]

SHAKAWN KUNGDAWN 32:5 ပူးပေါင်းရင်းမြစ်များ

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

2 SAMUELA 12:9

Dai rai yang, nye a hkang da ai ga ni hpe nang hpa majaw n madat kau n ta? Ndai zawn n hkru ai amu hpe nang hpa majaw galaw kau hkrup n ni? Nang gaw Uria hpe majan pa e sat kau nit dai; Amon masha ni a lata hte shi hpe sat kau shangun nit dai; dai hpang shi a madu jan hpe nang la kau nga nit dai!

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

2 SAMUELA 24:17

Dawi gaw amyu masha ni hpe sat ai lamu kasa hpe mu jang, dai Madu hpe, “Ngai gaw mara lu ai wa rai nga nngai. Mara galaw shut kau ai wa mung rai nga nngai. Ndai matsan mayan re ai amyu masha ni mahtang hpa baw galaw shut kau nga ma ni? Ngai hte nye a dinghku masha ni hpe mahtang nang ari jaw ang nga ndai,” ngu nna tsun wu ai.

1 HKAWHKAM 8:50

Shanhte shut hpyit kau ai yubak mara mahkra hte nang hpe gumlau ai lam yawng hpe mara dat ya u; shanhte a gumlau hpyen ni shanhte hpe matsan yu dum shangun nga u law.

2 HKAWHKAM LABAU 6:29

shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi mu ai shaloi,

EZRA 10:11

Dai re ai majaw, dai Madu nanhte a kaji kawa ni a Karai Kasang hta nanhte a yubak mara ni hpe yin la nna, shi sharawng awng ai amu hkan galaw nga mu. Anhte a mungdan hta nga nga ai maigan masha ni hte nanhte kaga san san rai nga nna nanhte a maigan madu jan ni hpe yeng seng kau mu,” ngu nna tsun wu ai.

YOBA 31:33

Kaga masha ni gaw shanhte a yubak mara ni hpe makoi shakut ma ai; rai ti mung, ngai chyawm gaw galoi mung makoi ip da ai n rai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 103:12

Sinpraw gaw Sinna hte tsan gang nga ai zawn, shi anhte a yubak ni hpe anhte kaw nna shatsan kau ya mi ai.

SHAKAWN KUNGDAWN 103:3

Shi gaw nye a yubak yawng hte hpe raw dat kau ya nga ai; nye a ana ahkya yawng hte hpe mung, shi shamai shatsai ya nga ai.

SHAKAWN KUNGDAWN 25:16

Madu e, ngai gaw garen gari hkrum nga nngai hte n-gun kya nga nngai majaw; ngai hpe mada mara ya nna, matsan dum la e law.

SHAKAWN KUNGDAWN 25:18

Nye a myit ru myit tsang lam hte nni nkri lam ni hpe myit sawn ya e, nye a yubak ni yawng hte hpe mung dat kau ya e.

SHAKAWN KUNGDAWN 30:5

Shi a masin kahtet ai gaw hkring mi sha rai nga ai, shi a mai kaja ai lam prat ting a matu rai nga ai. Shana e myi prwi ni lwi nga ti mung, jahpawt e kabu gara ai lam lu la nga ai.

SHAKAWN KUNGDAWN 38:18

Nye a yubak ni hpe ngai yin la nga nngai, dai gaw ngai hpe myit ru myit tsang lam jahpring ya nga ai.

SHAKAWN KUNGDAWN 38:19

Nye a gumlau hpyen ni gaw hkam kaja nga ma ai hte n-gun ja nga ma ai; mara kata, ngai hpe n dawng ai ni law law nga ma ai.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

GA SHAGAWP 30:20

Ndai gaw sadi n dung ai dinghku num a sat lawat ni rai nga ai; shi gaw la shaw ai amu hpe shut nna, hka shin ngut ai hpang, “Ngai hpa mung n shut nngai,” nga nna shi tsun nga ai.

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

YEREMIA 2:23

Nang nan matsat shabat n galaw ai hte Bala hpe galoi mung n nawku nngai nga nna nang kaning rai tsun lu na rai ta? Kadit hta nang kaning rai yubak galaw nit dai hpe mung yu yu u; nang galaw kau nit dai amu ni hpe mada yu u. Nang gaw zaibru jang hta kagat gasit hkawm nna wuli shalun ai aten kahtet katu hkawm nga ai gawla-uk yi shazai hte bung nga ndai.

YEREMIA 2:35

nang gaw, ‘Ngai gaw mara n kap nngai; kaja wa dai Madu gaw ngai hpe galoi mung masin n pawt ai,’ nga nna tsun ndai. Rai ti mung, dai Madu ngai gaw nang yubak galaw ai hpe ningdang ndai majaw nang hpe ari jaw na nngai.

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

JAW JAU 5:5

Dai zawn re ai mara lu ai wa gaw shi galaw shut ai yubak mara a matu hpyi nem lu na rai wu ai. Dai shut kau sai yubak ari a matu

MALAHKI 3:8

Ngai nanhte hpe san yu made ga, masha gaw Karai Kasang hpe hkalem sha na jaw nga a ni? Teng teng n rai law, rai ti mung, nanhte ngai hpe masu hkalem nga myit dai. Dai gaw ‘Gara hku?,’ ngu nna san myit dai. Dai gaw htam shi hta na htam mi hte shagu hkungga ni hpe n nawng ya ai majaw rai nga ai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

LUKA 7:47

Dai lam a majaw ngai nang hpe tsun de ga, dai numsha a tsaw ra myit law law madun ai lam a majaw, shi a law la ai yubak mara ni hpe dat kau ya hkrum sai, ngu ai sakse madun nga ai. Kadai rai ti mung, loi sha mi raw dat kau ya hkrum ai wa gaw, loi sha mi tsaw ra ai lam madun dan nga ai,” ngu nna tsun wu ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

YAWSHU 7:19

Yawshu gaw shi hpe, “Ngai sha e, dai Madu Israela a Karai Kasang a man, ndai yang e, teng man ai ga tsun nna mara yin la u. Nang kaning rai galaw kau nit dai lam, ya ngai hpe tsun dan e, ngai hpe dai lam ip da na hkum shakut et,” ngu nna tsun wu ai.