SHAKAWN KUNGDAWN 30:4 - Jinghpaw Common Language Bible 2009

⁴ Shi a kangka ai amyu masha ni yawng hte e, dai Madu hpe mahkawn shakawn nga mu! Chyoi Pra ai Wa galaw da sai amu hpe dum nna, shi hpe chyeju dum mu!

Jinghpaw Hanson Version Bible

⁴ Yehowa a chyoi pra ai ni e, shi hpe shakawn mu, Shi a chyoi pra ai masat dingsat hpe mahkawn mangoi mu.

SHAKAWN KUNGDAWN 30:4 ပူးပေါင်းရင်းမြစ်များ

1 HKAWHKAM LABAU 16:4

Dawi gaw Ga Shaka Sumpu a man e dai Madu Israela a Karai Kasang hpe nawku ai hta shi hpe mahkawn mangoi let shakawn kungdawn na matu, Lewi masha nkau mi hpe woi awn shangun wu ai.

SHAKAWN KUNGDAWN 107:20

Shi gaw shi a mungga hte shanhte hpe shamai shatsai ya ai hte, lup sung hku kata na, shanhte hpe hkye hkrang la wu ai.

SHAKAWN KUNGDAWN 132:9

Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

SHAKAWN KUNGDAWN 50:5

“Hkungga nawng jau let, ngai hte ga shaka tawn da ai ni, nye a kangka ai amyu masha ni hpe ngai hpang de woi hpawng mu,” nga nna shi tsun ai.

SHAKAWN KUNGDAWN 86:13

Na a dinggrin tsaw ra myit gaw nye a matu kade wa kabu gara nga a hka! Nang gaw ngai hpe lup sung hku kaw nna nan hkye hkrang la nit dai.

SHAKAWN KUNGDAWN 97:12

Dai Madu galaw da ngut sai amu ni a majaw, ding hpring nga ai ni yawng hte e, kabu gara nga mu! Chyoi pra ai Karai Kasang galaw da nu ai amu ni hpe dum mu, shi hpe chyeju dum mu law.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

SHINGRAN 4:8

Dai dusat mali hte hta langai hte langai singkaw kru hpra hpra tu nna, shanhte a hkum kata e mung, shinggan e mung hkum grup myi hkrai pri rai nga ai. Shanhte gaw shani shana n sim n sa ai sha: “Moi na prat e, ya na prat e, htawm hpang du na ra ai prat e dinggrin anga nga ai, Chyahtum Chyalai n-gun Rawng ai, Madu Karai Kasang gaw, chyoi pra, chyoi pra, chyoi pra arai nga ai law!,” nga nna tsun ma ai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.