SHAKAWN KUNGDAWN 30:2 - Jinghpaw Common Language Bible 2009

² O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

Jinghpaw Hanson Version Bible

² Nye a Karai Wa Yehowa e, ngai nang hpe jahtau nna, Nang ngai hpe shamai ya nit dai.

SHAKAWN KUNGDAWN 30:2 ပူးပေါင်းရင်းမြစ်များ

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

SHAKAWN KUNGDAWN 118:18

Shi ngai hpe laja lana di nna ari jaw nga ti mung: shi ngai hpe si shangun nga ai n rai.

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 147:3

Shi gaw myit daw ai ni hpe shamai ya nna, shanhte a ningma ni hpe ahkyen kayawp ya wu ai.

SHAKAWN KUNGDAWN 35:24

Madu e, nang gaw ding hpring ai wa rai nga ndai majaw ngai hpe mara n kap ai wa re ngu nna tsun ndau ya e; nye a gumlau hpyen ni hpe nye a jaw e, awng padang hte hkum kabu shangun et.

SHAKAWN KUNGDAWN 41:12

Teng man ai amu hpe ngai galaw nga nngai majaw nang ngai hpe karum la na rin dai; nang gaw ngai hpe na a man e, htani htana bau sin na rin dai.

SHAKAWN KUNGDAWN 51:8

Kabu gara ai hte ngwi pyaw ai nsen ni ngai hpe na shangun et; nang ngai hpe daw agrawp kau ai rai ti mung, ngai kalang mi bai naw kabu gara wa lu na nngai.

SHAKAWN KUNGDAWN 6:2

O Madu e, ngai hki ba la nga nngai, ngai hpe matsan dum la e law! Ngai tsep kawp kya gumba mat nga nngai majaw ngai hpe n-gun jaw ya e.

SHAKAWN KUNGDAWN 88:13

Madu e, karum la na matu, ngai nang hpe shaga nga nngai; jahpawt shagu nang kaw akyu hpyi nga nngai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.