SHAKAWN KUNGDAWN 3:7 - Jinghpaw Common Language Bible 2009

⁷ Madu e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

Jinghpaw Hanson Version Bible

⁷ Yehowa e, rawt u; nye a Karai Kasang e, ngai hpe hkye la e: Ngai hpe gumlau ai nlang hte a shabyi nang kahpret nna, Tara n lang ai ni a kawng hpe nang daw kau ya ndai.

SHAKAWN KUNGDAWN 3:7 ပူးပေါင်းရင်းမြစ်များ

2 SAMUELA 18:8

Dai gasat gala ai gaw mungdan ting hta byin ai rai nna majan pa e sat kau hkrum ai hta nam maling kata hta si mat ai masha ni mahtang grau law nga ai.

YOBA 16:10

Masha ni ngai hpe yu ashu ma ai; shanhte ngai hpe wang shinggrup da let, nye a myi man bye ya ma ai.

YOBA 29:17

Ngai gaw mazut gumshem ai ni a n-gun atsam hpe jahten kau nna, tsin-yam hkrum ai masha ni hpe hkye mawai la nngai.

SHAKAWN KUNGDAWN 10:12

Madu e, tara n lang ai masha ni hpe ari jaw u! Nni nkri hkrum sha nga ai ni hpe dum nga u!

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 27:3

Hpyen luksuk ni ngai hpe wang gawan da ti mung; ngai hkrit na nngai n rai, gumlau hpyen ni ngai hpe gasat yang pyi Karai Kasang hpe naw kam hpa nga na nngai.

SHAKAWN KUNGDAWN 35:23

Madu e, na a myit hpe shajin u; Ngai hpe makawp maga la e; Nye a Karai Kasang e, rawt nna nye a maga de tsap nhtawm nye a amu hpe dangrang ya e.

SHAKAWN KUNGDAWN 44:23

Madu e, rawt u! Nang hpa rai yup pyaw nga n ta? Na a myit hpe shajin u! Anhte hpe htani htana hkum kau da nga et!

SHAKAWN KUNGDAWN 58:6

Karai Kasang e, ndai hkanghkyi matse ni a wa ni hpe shadaw kau ya u.

SHAKAWN KUNGDAWN 59:5

Chyahtum Chyalai n-gun rawng ai Madu Karai Kasang e, rawt u, ngai hpe karum la na sa rit; Israela a Karai Kasang e, nang hkum nan yu yu u! Rawt nna maigan masha ni hpe ari jaw u: gumle gumlau sadi n dung ai masha ni hpe matsan dum ai myit hkum madun nga et!

SHAKAWN KUNGDAWN 6:4

Madu e, ngai hpe sa hkye hkrang la e law; na a matsan dum ai hta, ngai hpe si ai kaw nna mawai la e law.

SHAKAWN KUNGDAWN 7:6

Madu e, Pawt sindawng ai hte rawt u! Nye a gumlau hpyen ni a sindawng kahtet ai hpe rawt ninghkap u; hprang u, ngai hpe karum la e! Nang hpyi ai gaw teng man rap ra ai lam rai nga ai.

SHAKAWN KUNGDAWN 74:11

Nang anhte hpe karum la na matu hpa majaw ningdang kau nga n ni? Na a lata ni hpe hpa majaw shingdu de hkintum da nga n ta?

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

SHARUNG SHAYAWT 3:30

Kayat hkrum nna n kaw n law roi hkrum ti mung, anhte gaw dai lam yawng mayawng hpe hkam la na ang nga ga ai.

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.