SHAKAWN KUNGDAWN 3:3 - Jinghpaw Common Language Bible 2009

³ Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

Jinghpaw Hanson Version Bible

³ Yehowa e, nang chyawm gaw, nye a n-gang, Nye a arawng sadang hte nye baw sharawt ya ai wa, rai nga ndai.

SHAKAWN KUNGDAWN 3:3 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

NINGPAWT NINGHPANG 40:13

Masum ya rai jang, hkawhkam wa nang hpe shapraw dat nna mara dat ya na ra ai. Dai sha n-ga, na a aya hta nang hpe bai dang da na ra ai. Shawng de nang shi a man e, sabyi jau yu nit dai hte maren, shi a gawm hte shi hpe nang jau lu na rin dai.

2 HKAWHKAM 18:30

Dai Madu hta shamyet shanat nga na matu shi hpe hkum hkalem kau shangun nga myit. Dai Madu gaw nanhte hpe hkye hkrang la nna nanhte a mare hpe madu la nga ai anhte a Asuri hpyen luksuk hpe shi jahkring kau ya na ra ai, ngu nna mung hkum myit nawn la nga myit.

2 HKAWHKAM 25:27

Babelon Hkawhkam Ewila-merodak hkawhkam tai wa ai shaning hta, shi gaw Yuda Hkawhkam Yehoiahkin hpe htawng e sharen da ai kaw na shalawt dat let matsan dum ai myit madun dan wu ai. Dai gaw Yehoiahkin a bawng dung ai sumshi sanit ning a shata shi lahkawng a hkun sanit ya shani e byin ai lam rai nga ai.

SHAKAWN KUNGDAWN 110:7

Dai hkawhkam wa gaw lam makau e lwi ai hka shi hka hpe lu na ra ai; shing rai, shi gaw n-gun rawng wa nna, awng padang hta rawt tsap wa lu na ra ai.

SHAKAWN KUNGDAWN 119:114

Nang gaw nye a dahpran shara hte ngai hpe makawp maga ai wa rai nga ndai; na a ga sadi hpe ngai myit mada nga nngai.

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 27:6

Shing rai, ngai gaw ngai hpe wang shinggrup da ai nye a gumlau hpyen ni hpe dang kau nngai; shi a Nawku Htingnu hta kabu gara jahtau garu nhtawm shagu hkungga ni hpe nawng jau na ring ngai. Ngai gaw Madu hpe mahkawn mangoi let shi hpe shakawn na ring ngai.

SHAKAWN KUNGDAWN 28:7

Dai Madu gaw ngai hpe makawp maga ai hte ninggang tai ya nga ai; ngai shi hpe kam hpa nga nngai. Shi gaw ngai hpe karum la ai lam jaw ya ai hte ngai hpe kabu gara shangun nga ai; Ngai shi hpe kabu gara ai mahkawn ga ni hte shakawn nga nngai.

SHAKAWN KUNGDAWN 4:3

Madu gaw ding hpring ai masha ni hpe shi a matu lata san da nu ai hpe dum mu; ngai shi hpe shaga ai shaloi, shi ngai hpe madat ya nga ai.

SHAKAWN KUNGDAWN 62:7

Nye a hkye hkrang la ai lam hte arawng sadang gaw Karai Kasang hta rai nga ai; shi gaw n-gun ja ai hte ngai hpe makawp maga ai wa rai nga ai, nye a shingbyi shara mung rai nga ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

SHINGRAN 21:11

Dai mare gaw Karai Kasang a hpung shingkang hte htoi tu nga ai. Dai mare a htoi tu ala ai gaw, pat zawn san tsawm nna, manu dan ai nagahtoi lungseng hte bung nga ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.